Antonio Castro

Para outras páxinas con títulos homónimos véxase: Antonio Castro (homónimos).

Antonio Castro

Biografía
Nacemento	23 de marzo de 1925 Ordes, España
Morte	9 de outubro de 2011 (86 anos) Santiago de Compostela, España
Procurador en Cortes
4 de abril de 1976 – 30 de xuño de 1977 ← Jaime Hervada y Fernandez España (en) Lexislatura: X lexislatura das Cortes franquistas
Alcalde de Santiago de Compostela
1974 – 1979 ← Francisco López Carballo – José Antonio Souto Paz →
Datos persoais
Educación	Universidade de Santiago de Compostela
Actividade
Lugar de traballo	Madrid
Ocupación	avogado, político

Antonio Castro García, nado en Ordes en 1925 e finado en Santiago de Compostela o 9 de outubro de 2011, foi un avogado e político galego.

Traxectoria

Licenciouse en Dereito na Universidade de Santiago de Compostela e exerceu como avogado na cidade de Santiago. Vencellado ás cúpulas dirixentes locais durante o franquismo, foi membro do consello local do Movemento Nacional, e concelleiro compostelán polo terzo familiar. En xaneiro de 1974 foi designado alcalde de Santiago, posto no que permaneceu ata a chegada das primeiras eleccións municipais democráticas, en 1979. Baixo o seu mandato foi derrubado o Edificio Castromil, estando nunha posición favorable á súa desaparición. Militante primeiro de Alianza Popular e logo do Partido Popular, foi tamén director xeral de Xustiza na Xunta de Galicia.

Relacionado tamén co deporte santiagués, foi presidente do Obradoiro CAB e do club local de tiro olímpico, así como membro do consello de administración de El Correo Gallego, do que foi nomeado presidente de honra.

Predecesor: Francisco López Carballo

alcalde de Santiago  1974-1979

Sucesor: José Antonio Souto Paz

Galardóns

• Orde de San Raimundo de Peñafort
• Orde do Mérito da República Francesa.

Vida persoal

Casou con Filomena Carballal e foi pai de Antonio, Teresa e María José Castro Carballal.