Antonio Conde Asperot

Antonio Conde Asperot
Biografía
Nacemento	2 de novembro de 1895 ; Santiago de Compostela, España
Morte	9 de xullo de 1970 (74 anos); Vigo, España
Actividade
Ocupación	mestre, político

Antonio Conde Asperot, nado en Santiago de Compostela o 2 de novembro de 1895^[1] e finado en Bouzas (Vigo) o 9 de xullo de 1970,^[2] foi un mestre e político galego.

Traxectoria

Mestre en Porto do Son dende 1920. Militante de Izquierda Republicana e secretario da agrupación de Porto do Son. Era asesor de Juan González González. Co golpe de Estado do 18 de xullo de 1936 foi detido. Preso no cárcere de Santiago de Compostela. Foi suspendido de emprego e soldo o 28 de agosto e cesado o 5 de setembro. Estivo dous anos preso no cárcere de Santiago de Compostela e outros dous na prisión provincial da Coruña. En maio de 1940 foi separado do servizo e dado de baixa na escala do maxisterio.^[3] Saíu en liberdade condicional en 1941. Foille incoado expediente de responsabilidades políticas. Nos anos sesenta foi director do colexio Puebla.^[4]

Vida persoal

Casou con Ramona Santos Carou.

Notas

↑ Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 74.
↑ Necrolóxica en La Voz de Galicia, 10-7-1970, p. 15
↑ El Correo Gallego, 15-5-1940, p. 3.
↑ El Pueblo Gallego, 17-7-1968, p. 13.

[1] Primer escalafón de maestros de escuelas nacionales existentes en 31 de diciembre de 1933. Madrid: Ministerio de Instrucción Pública y Bellas Artes. 1934. p. 74.

[2] Necrolóxica en La Voz de Galicia, 10-7-1970, p. 15

[3] El Correo Gallego, 15-5-1940, p. 3.

[4] El Pueblo Gallego, 17-7-1968, p. 13.

[1]

[2]

[3]

[4]