Antonio Villaverde Hermida

Antonio Villaverde Hermida
Biografía
Nacemento	c. 1906 ; Cerponzóns, España
Morte	28 de novembro de 1936 (29/30 anos); A Caeira, España
Causa da morte	pena de morte, ferida por arma de fogo
Actividade
Ocupación	político, chofer

Antonio Villaverde Hermida, nado en Cerponzóns (Pontevedra) cara a 1906 e finado na Caeira (Poio) o 28 de novembro de 1936, foi un político galego.

Traxectoria

Veciño de Bueu, onde traballaba como chofer dunha camioneta de transporte de mercancías entre Pontevedra e Bueu ou Cangas. Vogal da secretaría de propaganda das Juventudes Socialistas Unificadas. Foi detido en setembro de 1935 por orde da Subdelegación Marítima de Marín.^[1]

Cando se produciu o golpe de Estado do 18 de xullo de 1936 estaba alistado como soldado na 2ª compañía do Batallón de Voluntarios de Pontevedra. O 21 de agosto foi detido logo dun permiso do xefe do batallón. Xulgado en Pontevedra en consello de guerra o 17 de novembro,^[2] foi condenado a pena de morte por un delito de rebelión coa agravante de perversidade debido a “su destacada actuación revolucionaria y de sus antecedentes”. Ademais foi condenado a abonar ao Estado 25.000 pesetas en concepto de responsabilidade civil. Foi fusilado na Caeira ás sete da mañá do 28 de novembro.^[3]

Notas

↑ El Pueblo Gallego, 12-9-1935, p. 14.
↑ El Pueblo Gallego, 18-11-1936, p. 7.
↑ El Pueblo Gallego, 29-11-1936, p. 9.

Véxase tamén

Ligazóns externas

Álvarez Castro, Xosé (6/4/2020). "Contra o esquecemento: Antonio Villaverde Hermida" Pontevedra nos anos do medo.

[1] El Pueblo Gallego, 12-9-1935, p. 14.

[2] El Pueblo Gallego, 18-11-1936, p. 7.

[3] El Pueblo Gallego, 29-11-1936, p. 9.

[1]

[2]

[3]