Arsenii Tarkovskii

Arsenii Tarkovskii
	;
Nome orixinal	(ru) Арсений Тарковский
Biografía
Nacemento	12 de xuño de 1907 (Xuliano) ; Kirovohrad, Ucraína
Morte	27 de maio de 1989 (81 anos); Moscova, Rusia
Causa da morte	doenza
Lugar de sepultura	Cemiterio de Peredelkino
Residencia	Moscova
Educación	Top State Courses in Literature (en)
Actividade
Ocupación	poeta, lingüista, tradutor, escritor
Xénero artístico	Poesía
Pseudónimo literario	Тарас Подкова
Familia
Cónxuxe	Tatyana A. Ozerskaya (1951–); Maria Tarkowska (1928–1940)
Fillos	Andrei Tarkovskii; () Maria Tarkowska; Marina Tarkovskaja; () Maria Tarkowska
Pai	Oleksandr Tarkovksy
Premios
	Premio Estatal da URSS; Orde da Amizade dos Pobos; Bandeira Vermella do Traballo; Orde da Guerra Patria de 1ª Clase; Orde da Estrela Vermella ;
Descrito pola fonte	Grande Enciclopedia Soviética 1969-1978, (sec:Тарковский Арсений Александрович); Obálky knih, ; Russian literature of the 20th century. Volume 3, 2005 (en) , (p.472-474) >>>:ТАРКОВСКИЙ Арсений Александрович,

Arsenii Aleksandrovich Tarkovskii (en {{lang-ru|Арсений Александрович Тарковский]]) (25 de xuño, 1907 - 27 de maio, 1989) foi un destacado poeta ruso. Os seus poemas aparecen nos filmes O Espello (1975) e Stalker (1978) dirixidos ambos polo seu fillo Andrei Tarkovskii, destacado director ruso.

Biografía

Tarkovskii naceu en Elisavetgrad nunha familia de narodniks no 24 de xuño de 1907. Foi seu pai Aleksander quen inculcou o amor de Arsenii pola poesía, cando con só sete anos o levaba ás tertulias dos simbolistas Sologub, Balmont e Severianin. No 1924 trasladáronse a Moscova, e desde o 1924 ao 1925, escribiu para un diario de traballadores do ferrocarril chamado "Gudok."

Tarkovskii manexou unha sección que debía ter un editorial escrita en verso, iso era supostamente máis doado para os lectores que as ordinarias editoriais en prosa. Cada día, Tarkovskii debía escribir el esas editoriais ou encontrar alguén que o fixera. Convén dicir que a poesía deses editoriais non era usualmente de boa calidade.

Do 1925 ao 1929 estudou nunha Universidade do Estado para ser escritor. Ao mesmo tempo traducía poesía do turco, xeorxiano, armenio e do árabe.

Durante a segunda guerra mundial traballou no periódico da Armada Boevaia Trevoga (Alarma de Guerra).

Foi amigo de Marina Tsvetaeva, unha eminente poetisa rusa coetánea, e refírense a el nalgunha ocasión como o "último amor de Marina Tsvetaeva". Tras o suicidio dela en 1941, dedicoulle un ciclo de poemas. Foi correspondente de guerra na segunda guerra mundial, na que sufriu a amputación dunha perna.

Aínda que compuxo poesía durante toda a súa vida, non publicou nada ata chegar aos cincuenta. A partir desa idade publicou nove libros:

Перед снегом - Antes da neve (1962);
Земле земное - A Terra para o terrestre (1966);
Вестник - Mensaxeiro (1969);
Стихотворения - Versos (1974);
Зимний день - Día de inverno (1980);
Избранное - Traballos escollidos (1982);
Стихи разных лет - Versos de diferentes anos (1983) - unha compilación dos seus últimos versos;
От юности до старости - Da xuventude á vellez (1987)
Благословенный Свет - A Luz Bendita (1993 -póstumo).

Viviu sobre todo en Moscova e en Peredelkino e morreu o 27 de maio do 1989 en Moscova. No 1989 foi galardoado co Premio Estatal da URSS.

Poesía

Os poemas mais famosos son quizais:

Жизнь, Жизнь (Vida,Vida)
Первые Свидания (Primeiros encontros)

Estes dous son considerados por algúns críticos como parte das mellores poesías escritas en ruso no século XX.

Tamén son moi coñecidos:

С утра я тебя дожидался вчера...
"25 ИЮНЯ 1935
Отнятая у меня, ночами...
Если б, как прежде, я был горделив...

Ligazóns externas