Día da Ascensión

Para outras páxinas con títulos homónimos véxase: Ascensión.

Día da Ascensión
Tipo	Festa móbil, día festivo oficial e festividade cristiá
Parte de	Grandes Festas da Igrexa Ortodoxa
Data
Día periódico	39 días despois de Pascua
Características
Conmemora	ascensión de Xesús
Relixión	cristianismo
Cronoloxía
Exaudi (en) →
Na rede
[ Wikidata ]

Ascensión de Xesús, obra de Giotto.

O Día da Ascensión é unha festa cristiá que se celebra corenta días despois do Domingo de Resurrección (durante o Tempo pascual) e que conmemora a ascensión de Xesucristo ao ceo en presenza dos seus discípulos tras anunciarlles que lles enviaría o Espírito Santo.

Doutrina cristiá

A doutrina cristiá sostén comunmente que Cristo ascendeu en forma física ao Ceo tras a súa Resurrección en presenza dos seus Apóstolos. Enténdese por "ascender ao ceo" unha unión física con Deus Pai e non unha transformación espiritual do individuo como é habitual nas experiencias místicas doutras relixións.

Este aspecto do misterio pascual relaciónase coa importancia dada pola teoloxía cristiá á corporeidade, que a Palabra de Deus asumiu na Encarnación, que é glorificada na Ascensión de Cristo á dereita de Deus Pai e que os mortos recobrarán, dalgún xeito, na Resurrección do fin dos tempos.

Nárrase este episodio en Marcos 16, 19; Lucas 24, 50-51 e Feitos dos Apóstolos 1, 9-11. A liturxia cristiá afirma a Ascensión no Credo de Nicea-Constantinopla e no Credo dos Apóstolos.

Data

Día da Ascensión, 2010-2020
Ano	Catolicismo e Protestantismo	Ortodoxia
2010	13 de maio
2011	2 de xuño
2012	17 de maio	24 de maio
2013	9 de maio	13 de xuño
2014	29 de maio
2015	14 de maio	21 de maio
2016	5 de maio	9 de xuño
2017	25 de maio
2018	10 de maio	17 de maio
2019	30 de maio	6 de xuño
2020	21 de maio	28 de maio