Asegurancetúrix
![]() | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2016.) |
![](http://upload.wikimedia.org/wikipedia/commons/thumb/2/27/Eine_so_sch%C3%B6ne_Asterix-Wand_h%C3%A4tte_ich_auch_gerne._-_panoramio.jpg/250px-Eine_so_sch%C3%B6ne_Asterix-Wand_h%C3%A4tte_ich_auch_gerne._-_panoramio.jpg)
Asegurancetúrix é un personaxe da banda deseñada Astérix. Asegurancetúrix é o bardo da aldea e caracterízase por tocar unha lira e por cantar moi mal, este feito chega a provocar treboadas, polo que se chega a converter no personaxe principal en Astérix chez Rahàzade. Unha característica peculiar de Asurancetúrix e que se trata do único personaxe da aldea que vive nunha casa situada nunha árbore. Ao final de tódalas historias, durante a escena do banquete final, cando todo parece rematar ben, aparece atado e amordazado para que non poida tocar ou cantar. Esautomátix, o ferreiro, sempre o anda a vixiar para golpealo co seu martelo cando vai cantar.
O seu nome na versión orixinal en francés Assurancetourix vén do xogo de palabras en francés assurance tout risque ou assurance tous risques (seguro a todo risco en galego), e así nalgunhas edicións en español denomínase Seguroatodorriesguix, mais o habitual é a forma Asurancetúrix. En inglés coñécese como Cacofonix, en alemán Troubadix e en portugués coñécese no Brasil como Chatotorix[1] e en Portugal como Cacofonix e Assurancetourix.[2]
Notas
- ↑ "Chatotorix (Cacofonix)". Guia dos Quadrinhos.
- ↑ "Asurancetúrix". Astérix - Le site officiel (en castelán). Consultado o 17 de febreiro de 2021.