Aterinópsidos

Os Aterinópsidos (Atherinopsidae) son unha familia de peixes teleósteos, pertencentes á orde Ateriniformes (Atheriniformes). Agrupa especies mariñas e de auga doce, distribuídos en augas tropicais e temperadas de América.

Características

Posúen dúas aletas dorsais amplamente separadas, a primeira con espiñas brandas e a segunda cunha espiña seguida de radios brandos, o mesmo que a aleta anal; as aletas pectorais situadas nunha posición alta no corpo. Boca pequena terminal ou subterminal.

Presentan unha ampla banda lateral prateada (á que deben o nome local de silversides). Dúas liñas laterais divididas, a superior esténdese sobre a banda lateral rematando antes da orixe da aleta anal, a inferior na parte ventral esténdese ata o pedúnculo caudal.

Os tamaños rexistrados oscilan entre os 52 cm para Odontesthes bonariensis e os 4 cm para Menidia colei.

Aliméntanse de zooplancto, insectos, pequenos peixes e, en ocasións, de caracois.

Clasificación

Dixídense en dúas subfdamilias, 13 xéneros e 104 especies:

Subfamilia Atherinopsinae:
- Xénero Atherinops (Steindachner, 1876)
- Xénero Atherinopsis (Girard, 1854)
- Xénero Basilichthys (Girard, 1855)
- Xénero Colpichthys (Hubbs, 1918)
- Xénero Leuresthes (Jordan e Gilbert, 1880)
- Xénero Odontesthes (Evermann e Kendall, 1906)
Subfamilia Menidiinae:
- Xénero Atherinella (Steindachner, 1875)
- Xénero Chirostoma (Swainson, 1839)
- Xénero Labidesthes (Cope, 1870)
- Xénero Melanorhinus (Metzelaar, 1919)
- Xénero Membras (Bonaparte, 1836)
- Xénero Menidia (Bonaparte, 1836)
- Xénero Poblana (de Buen, 1945)

Véxase tamén