Saltar ao contido

Avelino Viña

Na Galipedia, a Wikipedia en galego.
Modelo:BiografíaAvelino Viña
Nome orixinalAvelino Viña Vázquez
Biografía
Nacemento12 de abril de 1963 Editar o valor en Wikidata (61 anos)
Montevideo, Uruguai Editar o valor en Wikidata
Altura1,85 m.
Actividade
Ocupaciónfutbolista Editar o valor en Wikidata
Deportefútbol Editar o valor en Wikidata
Posición de xogoPorteiro
Traxectoria Editar o valor en Wikidata
  Equipo Número de partidos xogados Puntos/goles/tantos anotados
–   Real Murcia
  Adestrador Número de partidos xogados Puntos/goles/tantos anotados
–   Real Murcia Editar o valor en Wikidata

Avelino Viña Vázquez, nado en Montevideo o 12 de abril de 1963, é un exfutbolista uruguaio de orixe galega, que xogaba como porteiro. Fillo de dous emigrantes de Lugo, formouse no Nacional de Montevideo, pero destacou no fútbol español, especialmente no Jaén e no Córdoba. Disputou 336 partidos oficiais en España e retirouse nas filas do Murcia, club no que pasou a traballar máis tarde como adestrador de porteiros.

Traxectoria

[editar | editar a fonte]

Nacional

[editar | editar a fonte]

Naceu en Montevideo, sendo fillo de dous emigrantes galegos, Avelino e Carmen, naturais de Lugo.[1][2] Formouse como gardameta no Ombú Juniors e na canteira do Nacional, debutando co primeiro equipo do segundo con 17 anos, nun amigable contra unha selección de Canelones no estadio Martínez Monegal.[3] Xogou un total de catro encontros co primeiro equipo e chegou a ir convocado a varios encontros da Copa Libertadores.[4] Con todo, non disputou ningún partido oficial co primeiro equipo do club, sendo o porteiro titular durante aqueles anos Rodolfo Rodríguez, pero formou parte do equipo que gañou o Campionato Uruguaio na tempada 1983. Durante eses anos xogou habitualmente no equipo reserva, na Terceira División.[2]

Central Español e Wanderers

[editar | editar a fonte]

Militou en Nacional ata 1984, pasando logo ao Central Español, co que debutou na Primeira División. Alí tivo como técnico a Gregorio Pérez e como adestrador de porteiros a Julio González.[2] Gregorio Pérez fichou en 1987 polo Montevideo Wanderers, e levou con el Viña, que militou no club os seguintes tres anos.[5]

Deportivo da Coruña e El Tanque

[editar | editar a fonte]

En marzo de 1990 chegou a Galicia, cedido polo Wanderers ao Deportivo da Coruña, da Segunda División.[6] Aínda que non chegou a debutar co equipo de Arsenio, a súa estancia na Coruña foi o primeiro chanzo da súa posterior carreira no fútbol español. Trala fin da cesión, regresou ao Uruguai, onde pasou a xogar no El Tanque Sisley, co que disputou a histórica tempada 1991, a primeira do club na Primeira División, aínda que o gardameta titular na maioría de partidos foi Enrique Carrera.[7][2]

Jaén e Córdoba

[editar | editar a fonte]

En 1992 regresou a España, fichando polo Real Jaén, da Segunda División B. No equipo andaluz tivo destacadas actuacións e foi titular indiscutible para os adestradores Crispi e Bartolomé Plaza, disputando ata 96 partidos oficias en só dúas tempadas, incluídas dúas fases de ascenso a Segunda.[8][1][9] No verán de 1994 seguiu a Crispi e fichou polo Córdoba, da mesma categoría,[10] club no que militou durante os seguintes cinco anos, gañando prestixio polo seu bo rendemento.[11] Xogou 168 partidos oficiais co Córdoba, disputando catro fases de ascenso e finalmente logrou subir de categoría na tempada 1998/99. Con todo, perdeu protagonismo no equipo trala irrupción do porteiro José Antonio Leiva, e deixou o equipo tralo ascenso.[11][12]

CP Almería e Murcia

[editar | editar a fonte]

Para a tempada 1999/00 fichou polo Polideportivo Almería, co que disputou 38 encontros ata maio do 2000. Fichou entón polo Murcia, tendo de novo a Crispi como adestrador. Disputou inmediatamente trala súa chegada a fase de ascenso a Segunda, e foi titular no partido contra o Granada no que un gol de Aguilar devolveu o equipo murciano á categoría de prata.[13] Xogou dúas campañas máis no club vermello, tendo como adestradores entre outros a Pepe Mel e David Vidal, e colgou as botas en 2002, aos 39 anos de idade.

Trala súa retirada continuou instalado en Murcia e en 2006 regresou ao Real Murcia como adestrador de porteiros, labor que exerceu durante as seguintes dúas décadas.[1]

Notas

[editar | editar a fonte]
  1. ↑ 1,0 1,1 1,2 "Viña: un billete de vuelta para Uruguay que no hizo falta" (en castelán). 19 de decembro de 2020. Arquivado dende o orixinal o 15 de xaneiro de 2022. Consultado o 15 de xaneiro de 2022. 
  2. ↑ 2,0 2,1 2,2 2,3 "Hace 21 años se fue con el pasaje abierto". El Observador (en castelán). 18 de abril de 2013. Consultado o 15 de xaneiro de 2022. 
  3. ↑ "Nacional - Canelones 1980". atilio.uy (en castelán). Consultado o 15 de xaneiro de 2022. 
  4. ↑ "Partidos de Viña con Nacional". atilio.uy (en castelán). Consultado o 15 de xaneiro de 2022. 
  5. ↑ "El guardameta Viña llegó ayer a La Coruña para fichar por el Deportivo". La Voz de Galicia (en castelán) (A Coruña ed.). 26 de marzo de 1990. p. 26. 
  6. ↑ "El Deportivo fichó a un portero uruguayo". Mundo Deportivo (en castelán). 26 de marzo de 1990. p. 26. Consultado o 15 de xaneiro de 2022. 
  7. ↑ "El Tanque Sisley y su historial con los grandes" (en castelán). 21 de setembro de 2010. Consultado o 15 de xaneiro de 2022. 
  8. ↑ "Ignacio, muchos centímetros de seguridad y trabajo en la meta del Real Jaén" (en castelán). 13 de novembro de 2019. Arquivado dende o orixinal o 15 de xaneiro de 2022. Consultado o 15 de xaneiro de 2022. 
  9. ↑ "El observatorio de Quique Bonoso en cuanto a fases de ascenso" (en castelán). 13 de xaneiro de 2020. Consultado o 15 de xaneiro de 2022. 
  10. ↑ "Polémica Jaén-Córdoba y fichaje en Huelva". Mundo Deportivo (en castelán). 13 de xullo de 1994. p. 28. Consultado o 15 de xaneiro de 2022. 
  11. ↑ 11,0 11,1 "Del Córdoba CF al Real Murcia, recuerdos de Segunda B que llevan a Viña y Algar" (en castelán). 5 de setembro de 2019. Consultado o 15 de xaneiro de 2022. 
  12. ↑ Ávalos, Rafael (30 de xuño de 2019). "¿Qué fue de los héroes? Los 16 de Cartagena, 20 años después" (en castelán). Consultado o 15 de xaneiro de 2022. 
  13. ↑ Conesa, Sergio (21 de xullo de 2019). "Avelino Viña, pieza clave en la sombra" (en castelán). Consultado o 15 de xaneiro de 2022. 

Véxase tamén

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=Avelino_Viña&oldid=6959362»