Bandeira dos aborixes australianos
| Bandeira dos aborixes australianos | |
|---|---|
.svg) | |
| Características | |
| Uso | |
| Proporción | 2:3 |
| Adopción | 14 de xullo de 1995 |
| Cores | Negro Amarelo Vermello |
A bandeira dos aborixes australianos é a bandeira étnica que representa aos pobos aborixes australianos. Malia ser unha das bandeiras de Australia e posuír un status legal e político especial,[1] non é a bandeira nacional do país. Adoita ondear a carón da bandeira australiana e da bandeira dos insulares do estreito de Torres, que tamén é oficial.[1]
Historia
[editar | editar a fonte]Foi deseñada en 1971 polo artista aborixe Harold Thomas, que é descendente do pobo luritja e posúe os dereitos de propiedade intelectual da bandeira. Orixinalmente foi ideada para o movemento dos dereitos das terras, mais posteriormente converteuse nun símbolo dos pobos aborixes de Australia. O Goberno de Australia concedeulle o status de bandeira oficial o 14 de xullo de 1995.[2]
Simbolismo
[editar | editar a fonte]Segundo o seu creador, o significado simbólico das súas cores é:[3]
- Franxa negra – representa o pobo aborixe.
- Círculo amarelo – representa o Sol, protector e creador da vida.
- Franxa vermella – representa a terra ocre.
Notas
[editar | editar a fonte]- ↑ 1,0 1,1 Commonwealth of Australia Gazette, Special, No. S 259, 14 de xullo de 1995 (a special issue printed in colour on high quality paper found at the back of Government Notices issue No. GN 28, 19 de xullo de 1995, xunto coa proclamación (No. S 258) da Bandeira dos insulares do estreito de Torres).
- ↑ Commonwealth of Australia Gazette, Special, No. S 259, 14 de xullo de 1995. Atópase no Government Notices issue No. GN 28, 19 de xullo de 1995.
- ↑ "Indigenous Australian flags". Arquivado dende o orixinal o 06 de xullo de 2011. Consultado o 23 de xuño de 2015.
Véxase tamén
[editar | editar a fonte] |
Wikimedia Commons ten máis contidos multimedia na categoría: Bandeira dos aborixes australianos  |