Batalla de San Esteban de Gormaz

Batalla de San Esteban de Gormaz
Tipo	batalla
Resultado	Vitoria cristiá
Localización	San Esteban de Gormaz
Coordenadas	41°35′00″N 3°12′00″O
Belixerantes
Reino de León Reino de Galicia Emirato de Córdoba
Líderes
Ordoño II Abi-Abda
[ Wikidata ]

A batalla de San Esteban de Gormaz foi unha batalla que tivo lugar no ano 917. A batalla enfrontou ás forzas omeias do Emirato de Córdoba ao mando de Abi-Abda contra as tropas do Reino de Galicia e do Reino de León ao mando de Ordoño II. A batalla resultou na vitoria cristiá.

Historia

En 912, Ordoño II ordenou a repoboación de San Esteban de Gormaz xa que a cidade fora unha das cidades limítrofes entre as zonas mouras e cristiás da Península Ibérica.

Ao coñecer os esforzos de Ordoño II para repoboar e tomar o control da cidade, Abi-Abda ordenou asedio a cidade en 917. Ordoño II puido acudir con éxito en auxilio da cidade e derrotou ás forzas musulmás. O propio Abi-Abda foi capturado durante a loita e executado por decapitación. A súa cabeza foi exposta nas murallas da cidade como advertencia aos musulmáns.

Consecuencias

Unha batalla semellante tivo lugar en 919 onde os musulmáns foron rexeitados; porén, en 920 a cidade estaba de novo en mans musulmás. A cidade cambiou de mans varias veces ata 1054 cando a vila foi recuperada definitivamente polas forzas cristiás baixo o mando de Rodrigo Díaz de Vivar.