Becila
| Biografía | |
|---|---|
| Morte | 589  |
 Bispo diocese de Lugo | |
| ← Nitixio – Vasconio → | |
| Datos persoais | |
| Relixión | Arianismo |
| Actividade | |
| Ocupación | sacerdote |
Becila foi un eclesiástico hispano-visigodo, bispo ariano de Lugo a finais do século VI.
Traxectoria
[editar | editar a fonte]No ano 585 o rei visigodo Leovixildo conquistou o reino suevo, impoñendo o arianismo como relixión oficial; o arcebispo católico de Lugo Nitixio foi desterrado, e Becila foi nomeado bispo no seu lugar. Simultaneamente a dioceses, que desde o concilio de Braga[1] do ano 572 era metropolitana, perdeu esta condición para volver a ser sufragánea da de Braga.
No 589, xa baixo o reinado de Recaredo, celebrouse o Terceiro Concilio de Toledo no que decretouse o catolicismo como única relixión en todo o reino visigodo e restituíuse nas súas respectivas sés aos bispos católicos desterrados por Leovixildo. Becila foi un dos bispos que neste concilio abxuraron do arianismo; suponse que trala súa conversión a diocese de Lugo quedoulle reservada para serlle entregada á morte do xa ancián Nitixio, como ocorreu noutros casos similares. Porén, non hai constancia de que isto se levase a cabo.[2]
Notas
[editar | editar a fonte]- ↑ de la Huerta y Vega, Francisco Xavier (1733). Anales del reyno de Galicia.
- ↑ Manuel Risco: España sagrada, vol. XL, pp 76-78 (1796).