Berredo, Agolada

Berredo
	Igrexa de Santa María de Berredo.
Concello	Agolada
Provincia	Pontevedra
Coordenadas	42°49′35″N 8°02′05″O / 42.82644255, -8.03478839
Área	4,27 km²
Poboación	106 hab. (2013)
Densidade	24,82 hab./km²
Entidades de poboación	5
	[ editar datos en Wikidata ]

Para outras páxinas con títulos homónimos véxase: Berredo.

Santa María de Berredo é unha parroquia que se localiza no norte do concello de Agolada. Segundo o IGE en 2013 tiña 106 habitantes (62 mulleres e 44 homes), 65 menos ca en 1999. Ten cinco entidades de poboación.

Toponimia

O topónimo Berredo podería ser un fitotopónimo procedente do termo berro (do céltico Berŭro), que designa a planta do agrón, co sufixo latino -ētu para indicar abundancia; ou ben podería ser un orónimo derivado do termo barro.^[2]

Xeografía

Está situada ao norte do concello. Limita ao norte co concello de Santiso, ao leste con Eidián e ao sur e ao oeste con Artoño.

Patrimonio

Igrexa de Santa María de Berredo, románica, construída a finais do século XII, da que só se conserva a ábsida semicircular e os arranques da nave. Na ábsida, as columnas exteriores foron substituídas por contrafortes ou bandas lombardas; conserva os canzorros e fiestra en arco, tapiada.

Festas

A parroquia celebra tres festas no ano: o 3 de febreiro, San Brais; o segundo domingo de maio, Santa Lourdes; e os días 15 e 16 de agosto, Santa María, a patroa e o San Roque respectivamente.