Bertha Guijarro
| Biografía | |
|---|---|
| Nacemento | (es) Bertha M. Guijarro Berdiñas  1969 (54/55 anos)A Coruña, España |
| Educación | Universidade da Coruña |
| Actividade | |
| Ocupación | investigadora, profesora |
Bertha M. Guijarro Berdiñas, nada na Coruña en 1969, é unha investigadora galega e doutora en Informática no eido da intelixencia artificial, a aprendizaxe computacional e os sistemas baseados no coñecemento. Os seus estudos aplicáronse en medicina para realizar diagnoses antenatais, diagnoses de motores e en predición e xestión de incendios forestais.
Traxectoria
[editar | editar a fonte]Doutorada en 1999 pola Universidade da Coruña, Guijarro está vinculada dende 1994 á investigación e a docencia no Departamento de Computación (UDC), onde é profesora titular.[1] Na comunidade científica, ten recoñecidos máis de dous sexenios de investigación académica dentro da área das ciencias da Computación e a intelixencia artificial, enfocando os seus estudos principalmente á aprendizaxe computacional e o desenvolvemento de algoritmos de Big Data Learning.[2][3]
En 2012, foi nomeada coordinadora científica do CITIC (Centro de Investigación en Tecnoloxías da Información e as Comunicacións) e dende 2014 ocupa o cargo de vicecoordinadora.[4][5] O CITIC salienta pola vertente social dos seus proxectos tanto en cuestións de integración como na mellora da atención sanitaria ou a loita contra a fenda dixital.[6]
Guijarro é membro activo do Grupo de Investigación LIDA (Laboratorio de Investigación e Desenvolvemento en Intelixencia Artificial) e colaboradora da Subdirección Xeral da Axencia Nacional de Avaliación e Prospectiva (ANEP) para a subárea científica de Sistemas Intelixentes.
Premios
[editar | editar a fonte]- Premio Ada Byron do CPEIG (Colexio Profesional de Enxeñaría en Informática de Galicia). 2014.[7]
Notas
[editar | editar a fonte]- ↑ "Guijarro Berdiñas, Bertha". Arquivado dende o orixinal o 27 de marzo de 2018. Consultado o 26 de marzo de 2018.
- ↑ "Ficha de Berta M Guijarro Berdiñas".
- ↑ "De mayor quiero ser… ingeniera informática | En la red".
- ↑ "Entrevistas - CITIC Research". Arquivado dende o orixinal o 19 de maio de 2017. Consultado o 26 de marzo de 2018.
- ↑ "Not Found: 2016 12 03 Mayor Quiero Ingeniera Informatica )".
- ↑ "CITIC research.org". Arquivado dende o orixinal o 27 de marzo de 2018. Consultado o 26 de marzo de 2018.
- ↑ "Bertha Guijarro, Premio Ada Byron do CPEIG | colexio profesional de enxeñaría en informática de galicia".