Biblioteca Pública da Coruña Miguel González Garcés
 | Este artigo ou sección precisa dunha revisión do formato que siga o libro de estilo da Galipedia. Pode axudar a mellorar este artigo e outros en condicións semellantes. |
 | As referencias deste artigo non teñen un formato correcto. Podes colaborar editándoas como se indica nesta páxina. Pode axudar a mellorar este artigo e outros en condicións semellantes. |
A Biblioteca Pública da Coruña Miguel González Garcés é unha institución bibliotecaria existente dende o ano 1995, localizada na rúa co mesmo nome no ensanche da cidade da Coruña. Leva o nome do escritor, poeta, docente e xornalista galego Miguel González Garcés. As súas instalacións divídense en tres plantas, ocupando unha superficie total de 6.216 m2, dos cales 5.869 m2 son útiles.
Forma parte da Rede de Bibliotecas de Galicia.[1]
Historia
[editar | editar a fonte]Os datos mais antigos remóntanse ó ano 1895. Atopábase no IES Eusebio da Guarda, despois formou parte da Casa da Cultura da Coruña, creada en outubro do 1956. Anos despois, en 1989, a Xunta de Galiza e o Ministerio de Cultura asinaron un convenio polo cal se transferiu a administración dos fondos á Xunta aínda que o Estado posúe a titularidade.
O 23 de setembro de 1994 modificouse o anterior convenio, no relacionado á localización da biblioteca e trasladouse ao edificio actual, inaugurado no ano 1995. Neste momento pasou a chamarse Biblioteca Nodal da Coruña Miguel González Garcés, na honra do docente en humanidades e poeta que foi director da institución ata os anos oitenta do século XX, despois de corenta anos de servizo ó centro.
Coleccións
[editar | editar a fonte]
A biblioteca alberga mais de 250.000 títulos, os mais antigos datan do século XVI, pois posúen fondos froito da Desamortización. Dáselle especial importancia ó Fondo de Depósito Legal, pois posúe as publicacións impresas na provincia da Coruña dende 1958 ata hoxe, a maiores desta gran colección, a biblioteca tamén alberga fondos persoais de personaxes relevantes na cultura galega, tales como Mariano Tudela, Isidro Conde, Francisco María da Igrexa ou o nomeado Miguel González Garcés entre outros. A sala infantil-xuvenil conta cunha completa colección bibliográfica e multimedia axeitada para bebés e nenas e nenos de máis de tres anos ata mozas e mozos de noventa anos.
Servizos e actividades
[editar | editar a fonte]
- Consulta de documentos
- Préstamo de documentos
- Biblioteca accesible
- Internet: Liña de WI-FI de libre acceso.
- Servizo de Préstamo de portátiles ou lectores de libros electrónicos
- Servizo de reprodución de documentos
- Servizo e acceso a Internet e á Ofimática: facilítanse equipos informáticos con conexión a Internet aos usuarios.
- Cesión de espazos: para a organización de eventos culturais, coloquios, exposicións, realización de traballos en grupo, etc.
- Servizo de préstamo e consulta de libros electrónicos: GaliciaLe
- Servizo de información e referencia, dispoñible a tódolos usuarios que teñan algún tipo de dúbida ou necesiten calquera tipo de información sobre a biblioteca e seus fondos.
- Actividades culturais. Formación de usuarios
