Bieito XIV Garnier, antipapa
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2017.) |
| Biografía | |
|---|---|
| Nacemento | (fr) Bernard Garnier  c. 1370 Reino de Francia |
| Morte | c. 1430 (59/60 anos) |
 Antipapa Martiño V | |
| 1424 – 1429 ← Bieito XIII | |
| Datos persoais | |
| Residencia | Rodez Aviñón |
| Relixión | Cristianismo |
| Actividade | |
| Ocupación | sacerdote católico |
Bernard Garnier, nado cara a 1370 e finado cara a 1450, foi un clérigo francés, proclamado como Papa da Igrexa católica como sucesor do antipapa Bieito XIII. Actuou como papa en segredo aproximadamente desde 1425, aínda que a súa elección para o cargo resultou extremadamente absurda.
Traxectoria
[editar | editar a fonte]Pouco antes de morrer o antipapa Bieito XIII designou no castelo de Peñíscola a catro cardeais entre os seus clérigos leais de maior confianza, encargándolles a elección do seu sucesor. Trala súa morte, tres deles constituíronse en conclave e designaron como sucesor do Papa Luna a un clérigo español co título de Clemente VIII, derradeiro pontífice sucesor da antiga sé papal de Avignon.
Non obstante, un deses catro cardeais seguidores de Bieito XIII era o arquidecano de Rodez, un clérigo francés chamado Jean Carrier, que se opuxo totalmente á elección dos seus colegas, e para rexeitala autoproclamouse como equivalente ao colexio cardenalicio, convocou un conclave formado só por el mesmo, e deste xeito en 1425 elixiu grotescamente a Bernard Garnier como pontífice, sendo este un clérigo en funcións que traballara con el anteriormente na diocese de Rodez e que tamén fora un decidido partidario de Bieito XIII.
A designación non foi comunicada a Clemente VIII nin aos seus seguidores, e Jean Carrier mantívoa en segredo, ocultándoa ao propio Bernard Garnier, que executaba as súas funcións clericais no sur de Francia como sancristán. Non obstante, unha carta do Conde de Armagnac a Xoana de Arco revelou que "o arquidecano de Rodez" (o propio Jean Carrier) coñecía o paradoiro de Bieito XIV e "que o aceptaba como papa", pois en xaneiro de 1427 o propio Jean Carrier revelara esta designación secreta ao conde Jean IV de Armagnac, o seu protector. Ao saír á luz o escándalo, Bernard Garnier, que por entón estaba ao servizo dos Condes de Foix, negou toda relación vixente con Carrier e rexeitou intentar sequera revivir o cisma dentro da Igrexa católica. Absolto de toda culpa, Garnier continuou a súa carreira eclesiástica durante varios anos máis, aínda que se conservan rexistros segundo os cales continuamente sufriu molestias e ataques como resultado de ser nomeado antipapa por un cardeal cismático.
Literatura
[editar | editar a fonte]Dous novelistas franceses, Jean Raspail e Gerard Bavoux, escribiron obras de ficción seguindo esta liña sucesoria, chegando ao punto de imaxinar un actual Bieito XL.
|
Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |