Bonasa umbellus
| Bonasa umbellus | |||||||||||||||||
|---|---|---|---|---|---|---|---|---|---|---|---|---|---|---|---|---|---|
 Bonasa umbellus no Algonquin Provincial Park, Ontario, Canadá. | |||||||||||||||||
| Estado de conservación | |||||||||||||||||
 Pouco preocupante[1] | |||||||||||||||||
| Clasificación científica | |||||||||||||||||
| |||||||||||||||||
| Nome binomial | |||||||||||||||||
| Bonasa umbellus (Linnaeus, 1766) | |||||||||||||||||
 Área de distribución de Bonasa umbellus
| |||||||||||||||||
| Sinonimia | |||||||||||||||||
| |||||||||||||||||
Bonasa umbellus é unha especie de ave da orde dos galiformes, familia dos fasiánidos e subfamilia dos tetraoninos, a única actualmente admitida como válida no xénero Bonasa.[2]
Endémica de América do Norte, é a ave estatal de Pensilvania.[3]
Características
[editar | editar a fonte]Mide ao redor de 45 cm de lonxitude, e ten un peso que varía desde os 680 aos 850 g nos machos e de 481 a 623 g nas femias.[4]
Semella unha pequena galiña cunha crista de plumas na parte superior da cabeza. No pescozo ten un colar negro ou pardo avermellado. A cola dos machos desprégase en abano cando camiña ou voa. Unha banda subterminal parda adorna a cola. A femia é máis pequena, e presenta unha raia subterminal interrompida no medio do abano da cola. O macho leva tamén dúas manchas en forma de ollo nas plumas de ambos os lados do ano.[4]
Presenta dúas coloracións diferentes na cola: avermellada no sur da área de dispersión e gris no note.[4]
Hábitat e distribución
[editar | editar a fonte]Hábitat
[editar | editar a fonte]O seu hábitat son os bosques mixtos caducifolios e de coníferas.
Distribución
[editar | editar a fonte]Distibúese polo Canadá e o norte dos Estados Unidos, de costa a costa, estendéndose desde o norte de Xeorxia e o nordeste de Alabama, polo sur, até o Labrador. E na área da costa oeste, esténdese desde o noroeste de California até Alasca.
Taxonomía
[editar | editar a fonte]Descrición
[editar | editar a fonte]Xénero
[editar | editar a fonte]O xénero foi definido en 1819 polo naturalista inglés James Francis Stephens, en General zoology, or Systematic natural history, Volume 11 Aves, pp. 198–303.[5]
Especie
[editar | editar a fonte]En canto a especie fora definida en 1766 por Linneo na 12ª edición do seu Systema Naturae, baixo o nome de Tetrao umbellus,[6] e posteriormente reclsificada dentro de Bonasa.
Etimoloxías
[editar | editar a fonte]Xénero
[editar | editar a fonte]O nome científico do xénero, Bonasa, é probabelmente unha alteración do latín bonasus, 'uro', pola similitude do característico son que emiten estes animais como dun redobre de tambor que recorda ao bramido dun touro.[7]
Especie
[editar | editar a fonte]O epítreto específico, umbellus deriva o latín umbella, 'parasol', en alusión á forma da cola despregada polos machos durante a exhibición na época de celo.[8]
Subespecies
[editar | editar a fonte]Na especie recoñécense na actualidade as seguintes subespecies:[2][9]
- Bonasa umbellus affinis Aldrich & Friedmann, 1943
- Bonasa umbellus brunnescens Conover, 1935
- Bonasa umbellus castanea Aldrich & Friedmann, 1943
- Bonasa umbellus incana Aldrich & Friedmann, 1943
- Bonasa umbellus labradorensis Ouellet, 1990
- Bonasa umbellus mediana Todd, 1940
- Bonasa umbellus monticola Todd, 1940
- Bonasa umbellus obscura Todd, 1947
- Bonasa umbellus phaios Aldrich & Friedmann, 1943
- Bonasa umbellus sabini (Douglas, 1829)
- Bonasa umbellus togata (Linnaeus, 1766)
- Bonasa umbellus umbelloides (Douglas, 1829)
- Bonasa umbellus umbellus (Linnaeus, 1766)
- Bonasa umbellus yukonensis Grinnell, 1916
Galería de imaxes
[editar | editar a fonte]-
Macho coa cola despregada en abano durante o cortexo nupcial -
Femia cos pitos -
Camiñando pola neve -
Pegada na neve -
Ovo -
Niñada
.jpg)
.jpg)
.jpg)
Notas
[editar | editar a fonte]- ↑ BirdLife International (2016): Bonasa umbellus na Lista vermella da UICN. Versión 2018-2. Consultada o 8 de xaneiro de 2019.
- ↑ 2,0 2,1 Bonasa Stephens, 1819 no ITIS.
- ↑ Trostle, Sharon, ed. (2009). The Pennsylvania Manual 119. Harrisburg: Pennsylvania Department of General Services. ISBN 0-8182-0334-X.
- ↑ 4,0 4,1 4,2 Ruffed Grouse Life History en TheCornellLab of Ornothology. Cornell University.
- ↑ General zoology, or Systematic natural history, Volume 11 Aves, pp. 198-303.
- ↑ Tetrao umbellus Linnaeus, 1766 no GBIF.
- ↑ Bonasa no Merriam-Webstwer's Unabriged Dictitionary.
- ↑ umbella no Merriam-Webstwer's Unabriged Dictitionary.
- ↑ Gill, F. & Donsker, D., eds. (2015): "IOC World Bird List". worldbirdnames.org. International Ornithologists Union Committee on Nomenclature. Consultada o 8 de decembro de 2019.
Véxase tamén
[editar | editar a fonte] |
Wikimedia Commons ten máis contidos multimedia na categoría: Bonasa umbellus  |
 |
Wikispecies posúe unha páxina sobre: Bonasa umbellus |
Bibliografía
[editar | editar a fonte]- De Juana, E. (1994). "Family Tetraonidae (Grouse)". En del Hoyo, J.; Elliott, A.; Sargatal, J. Handbook of the Birds of the World, Vol. 2. New World Vultures to Guineafowl. Barcelona: Lynx Edicions. pp. 376–411. ISBN 84-87334-15-6.
- Dickinson, E. C., ed. (2003): The Howard & Moore Complete Checklist of the Birds of the World. 3nd ed. Londres: Christopher Helm. ISBN 978-0-7136-6536-9.
- Henninger, W.F. (1906). "A preliminary list of the birds of Seneca County, Ohio" (PDF). Wilson Bulletin 18 (2): 47–60.
- Ohio Ornithological Society (2004): Annotated Ohio state checklist.
- Peterson, R. T. (2010): Peterson Field Guide to Birds of Western North America, Fourth Edition. Nova York: Houghton Miffin Hartcourt Publishing Company. ISBN 978-0-5471-5270-7.
- State Symbols of Pennsylvania: State Bird, The Ruffed Grouse PDF fulltext
