Butch Johnson

Butch Johnson

Biografía
Nacemento	(en) Richard Andrew Johnson 30 de agosto de 1955 Worcester, Estados Unidos de América
Morte	27 de maio de 2024 (68 anos) Woodstock, Estados Unidos de América (pt)
Actividade
Ocupación	arqueiro
Nacionalidade deportiva	Estados Unidos de América
Deporte	tiro con arco
Participou en
2008	Xogos Olímpicos de 2008
2004	Xogos Olímpicos de 2004
2000	Tiro com arco nos Jogos Olímpicos de Verão de 2000 - Equipes masculinas (pt)  (Medalla de bronce olímpica)
28 de xullo de 1996	Tiro com arco nos Jogos Olímpicos de Verão de 1996 - Equipes masculinas (pt)  (medalla de ouro olímpica)

Richard Andrew "Butch" Johnson, nado o 30 de agosto de 1955 en Worcester, Massachusetts é un arqueiro norteamericano.

Traxectoria

Residente en Woodstock, no estado de Connecticut. Competiu nas olimpíadas cinco veces, e foi parte do equipo estadounidense que logrou a medalla de ouro nos Xogos Olímpicos de 1996 e a de bronce nos do ano 2000. Comezou a destacar en competicións nacionais en 1973 ao gañar o campionato nacional en pista cuberta.

Olimpíadas de 1992

Participou por primeira volta nuns xogos olímpicos en Barcelona 1992 con 36 anos, acabou 18º na competición individual e competiu tamén co equipo norteamericano canda Rick McKinney e Jay Barrs que quedou na sexta praza.

Olimpíadas de 1996

Nas olimpíadas de 1996 de Atlanta gañou na medalla de ouro por equipos, con Justin Huish e Rod White. Na competición individual finalizou en décimo primeira posición.

Olimpíadas de 2000

Xa na tempada anterior ás olimpíadas lograra nos campionatos mundiais de 1999 celebrados na localidade francesa de Riom a medalla de bronce en equipos, con Jay Barrs, Vic Wunderle e Jason McKittrick. Xa nas olimpíadas volveu repetir posto, o terceiro, en equipos desta volta con Rod White e Vic Wunderle. Na competición individual foi décimo noveno.

Olimpíadas 2004

No xogos Olímpicos de 2004 eliminouno por sorpresa Ron van der Hoff con 135-145 na rolda 64ª, situándose no 52ª da clasificación individual masculina de tiro con arco. Máis tarde, quedou 4ª como membro do equipo norteamericano.

Olimpíadas de 2008

No Xogos Olímpicos de 2008 celebrados en Pequín Johnson rematou na rolda de clasificación cun total de 653 puntos, que lle deu 40 para a competición final contra Andrey Abramov na primeira rolda. Ámbolos dous marcaron 109 puntos e tiveron unha rolda extra, na que Abramov marcou 25 puntos, mentres Johnson pasou para á seguinte fase, con 26 puntos. Enfrontouse con Im Dong-Hyun, que o superou 115-106.

Xunto con Brady Ellison e Vic Wunderle tamén tomou parte na competición por equipos. Cos seus 653 puntos da rolda de clasificación combinados cos 664 de Ellison e os 652 de Wunderle os norteamericanos quedaron en 10ª posición tras a rolda de valoración. Na primeira rolda non foron quen de superar o equipo da China Taipei que gañou o enfrontamento por 222-218.

Despois das Olimpíadas

Foi segundo no Campionato Nacional de Tiro con arco de 2012 e logrou unha medalla de prata no a no 2012 Hoyt World Open, perdendo só co número un mundial, Brady Ellison. Traballa como responsable dunha tenda de material de tiro con arco. Foi un dos colaboradores do libro Archery. The Ultimate Resource for Recurve and Compound Archers editado en 2012 por USA Archery.