Carmen Rodríguez Dacosta

Carmen Rodríguez Dacosta

Biografía
Nacemento	1969 (55/56 anos) Ourense, España
Deputada do Parlamento de Galicia
2019 –
Concelleira
Actividade
Ocupación	avogada
Empregador	Concello de Ourense Unión Xeral de Traballadores
Partido político	Partido dos Socialistas de Galicia
Familia
Cónxuxe	Ramón Alonso López

María del Carmen Rodríguez Dacosta, nada en 1969 en Ourense, é unha avogada e política galega do PSdeG-PSOE.

Eleccións ao Parlamento de Galicia de 2020, papeleta do PSdG-PSOE na provincia de Ourense.

Traxectoria

Licenciada en dereito e Técnica de Riscos Laborais. Foi formadora en cursos de administración, xestión, documentación de empresas e outros entre 1994 e 1995. Dende 1996 é asesora xurídica da UXT.

Foi delegada da Consellería de Traballo na provincia de Ourense durante o goberno bipartito na Xunta de Galicia (2005-2009). Foi concelleira non electa de Persoal e Recursos Humanos no concello de Ourense dende 2009 ata 2013, ostentando a mesma responsabilidade con categoría de Directora Xeral dende 2013 ata 2015. Nas eleccións municipais de 2015 concorreu como número 2 da candidatura do PSdeG-PSOE en Ourense e foi elixida concelleira, cargo que ostentou ata as seguintes eleccións de 2019. Paralelamente foi Secretaria Xeral da Agrupación Local do PSdeG en Ourense (2012-2018).

En xullo de 2019 tomou posesión como deputada no Parlamento de Galicia en substitución do falecido Raúl Fernández. Nas Eleccións ao Parlamento de Galicia de 2020 revalidou a súa acta de deputada. Nas Eleccións ao Parlamento de Galicia de 2024 foi cabeza de lista do PSdeG-PSOE pola provincia de Ourense, revalidando novamente a súa acta parlamentaria.

Vida persoal

Está casada co tamén dirixente socialista Ramón Alonso López, alcalde de Entrimo, co que ten 2 fillas.

Véxase tamén

Outros artigos

• Lista de deputados da XII Lexislatura do Parlamento de Galicia