Cedeira, Cedeira
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde marzo de 2017.) |
| Cedeira | |
|---|---|
 Vila de Cedeira e praia da Madalena | |
 | |
| Concello | Cedeira[1] |
| Provincia | A Coruña |
| Coordenadas | 43°39′36″N 8°03′09″O / 43.6599, -8.0526 |
| Poboación | 4824 hab. (2016) |
| Entidades de poboación | 14[1] |
| [ editar datos en Wikidata ] | |
Santa María do Mar de Cedeira[1] é unha parroquia que se localiza no concello de Cedeira, na comarca de Ferrol. Segundo o padrón municipal de 2007 tiña 4824 habitantes (2408 mulleres e 2416 homes),[2] distribuídos en 14 entidades de poboación, o que supón unha diminución en relación ao ano 2007 cando tiña 4998 habitantes.
Na xurisdición eclesiástica forma parte do arciprestado de Xuvia, pertencente á diocese de Mondoñedo-Ferrol.
Xeografía
[editar | editar a fonte]Cedeira esténdese pola aba oriental do monte Eixil, á beira dereita do río Condomiñas. Os límites da parroquia son: polo norte a parroquia de Cervo, dende o Regueiro do Couto no río Condomiñas, polo coto Monteagudoe e a Penalonga até a fonte de Eixil chegando ó mar. Polo leste linda coa ría de Cedeira e o río Condomiñas, que a separan das parroquias de Régoa e Piñeiro. Ao sur e polo oeste limita co mar.
A parroquia conta cun antigo núcleo de poboación, a vila latina Cetaria, asentada na beira do río Condomiñas, esténdese na actualidade ao outro lado do río en territorio xa da veciña parroquia de Piñeiro no mesmo cruzamento das estradas que chegan de Ferrol e do Campo do Hospital e que teñen continuidade nunha ponte de tres arcos que cruza o río e une o núcleo de poboación. Un pouco máis río abaixo construíuse outra moderna ponte e máis recentemente unhas modernas infraestruturas portuarias pesqueiras que fan desta vila un importante enclave neste sector económico ao que contribúe tamén a praia urbana da Madalena no sector turístico e de lecer.
Patrimonio
[editar | editar a fonte]Na parte alta da vila atópase a igrexa parroquial de Santa María de mediados do século XV, pero con varias reformas posteriores. Ten planta de cruz latina e unha nave lateral cunha bóveda de cantería. No seu interior atopamos algúns sepulcros de certa notoriedade. A torre do seu campanario, de forma cadrada foi construída no ano 1839.
Nas proximidades do espigón do porto quedan os restos dun castelo, o da Concepción, que foi erguido sobre os restos dun castro. Aparece inventariado en 1784 : “con oito canóns en servizo e once inutilizados, todos de ferro fundido e conserva nove cureñas útiles e cinco inservibles”.
Galería de imaxes
[editar | editar a fonte]-
Desembocadura do río Condomiñas -
Centro do núcleo urbano -
Fachada e torre da igrexa parroquial
._Vila_de_Cedeira.jpg)
Lugares e parroquias
[editar | editar a fonte]Lugares de Cedeira
[editar | editar a fonte]| Lugares da parroquia de Cedeira no concello de Cedeira | |
|---|---|
|
A Acea | A Arba | A Areosa | A Cardosa | Cedeira | O Cotelo | Espasante | Figaredo | Lamelas | Noval | Regueiro do Couto | As Saíñas | Vilacacín | A Xunqueira |
Parroquias de Cedeira
[editar | editar a fonte]Notas
[editar | editar a fonte]- ↑ 1,0 1,1 1,2 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
- ↑ "Nomenclátor de Galicia". Instituto Galego de Estatística. Arquivado dende o orixinal o 30 de decembro de 2020. Consultado o 3 de marzo de 2017.
Véxase tamén
[editar | editar a fonte]Outros artigos
[editar | editar a fonte]| Control de autoridades |
|
|---|
