KK Cedevita Junior

Cedevita Junior
Información xeral
Nome	Košarkaški klub Cedevita
Liga	A1 Liga / ABA Liga / Euroliga
Fundación	1991
Cores	Vermello, branco
Presidente	Mladen Veber
Adestrador	Veljko Mršić
Patrocinador	Cedevita / Raiffeisen Bank
Vestimenta	Nike
Localización
Cidade	Zagreb, Croacia
Pavillón	Dom Sportova (3.500) Dražen Petrović Hall (5.400)
Campionatos
Liga	2 (2014, 2015)
Copa	3 (2012, 2014, 2015)
kkcedevita.hr

O Košarkaški klub Cedevita Junior é un equipo profesional de baloncesto da cidade de Zagreb, Croacia. O club foi fundado en 1991 e actualmente compite na A1 Liga, a máxima categoría do baloncesto croata. Os maiores éxitos do club chegan na década de 2010, cando conseguen por vez primeira os títulos de Copa e de Liga. Actualmente disputa os seus partidos como local no Dom Sportova, con capacidade para 3.500 espectadores, e no Dražen Petrović Hall, que pode albergar a 5.400 seareiros. En 2019 o club fusionouse coa KK Olimpija de Liubliana para formar o KK Olimpija Cedevita, adoptando o equipo que ficou en Zagreb o nome de Cedevita Junior.

Historia

O KK Cedevita foi fundado na cidade de Zagreb en 1991 co nome de KK Botinec, máis tarde chemado KK Hiron por motivos de patrocinio. Temporada a temporada o club foi subido desde as categorías máis baixas do baloncesto croata até que chegou á A1 Liga en 2002. Na súa primeira temporada na máxima categoría conseguiu ser o 5 mellor equipo de Croacia, tan só por detrás de prestixiosos equipos como o KK Cibona, o KK Zadar, oo KK Zagreb e o KK Split. O club dería un paso adiante en 2005, cando Atlantic Grupa, unha potente empresa rexional, se converte no patrocinador principal do club, motivo polo cal o club foi rebautizado como KK Cedevita.

O novo equipo directivo elevou as ambicións do club, conseguindo o seu primeiro grande éxito na temporada 2009−10 ao acabar no terceiro posto da liga croata, só perdendo nas semifinais por 2-1 ante ao Zadar. Ademais, xogarían as semifinais de Copa e conseguirían o sétimo posto na súa temporada como debutantes na Liga do Adriático. Ao ano seguinte superarían o rexitro do anterior, chegando a acadar o terceiro luga na Eurocup Basketball, no que supoñía a súa primeira aparición nunha competición continental. O Cedevita xogaría a Final Four da eurocup ese ano tras vecer en casa ao Dinamo Moscova, ao Aris Tesalónica, ao Azovmash, ao Hemofarm Stada, ao Gran Canaria e ao Asefa Estudiantes así como fóra ao Azovmash, ao Hapoel Galil Gilboa, ao Unics Kazan, ao Gran Canaria, ao Asefa Estudiantes e ao Benetton Treviso. Na competeción doméstica acadaría o primeiro posto na fase regular da liga, perdendo na final ante o KK Zagreb. Ademais, volverían repetir o sétimo posto na ABA Liga.

O primeiro trofeo do club chegaría na temporada 2011−12 coa consecución da Copa Dražen Petrović e da Copa Krešimir Ćosić de Croacia, chegando ademais á final da Liga do Adriático. En 2013−14 conseguen ser o equipo hexemónico de Croacia ao gañar tanto a Liga como a Copa do país, volvendo chegar á final da ABA Liga. O fito sería repetido na temporada 2014−15, cun novo segundo posto na ABA e a consecución dos títulos de Liga e Copa. Debido aos bos resultados obtidos nos últimos anos o KK Cedevita converteuse ademais en equipo de Euroliga.

Nomes do club

Ao longo dos anos, debido a motivos de patrocinio, o equipo foi coñecido como:

• Botinec (1991−1992)
• Stribor (1992)
• Botinec (1992−1994)
• Hiron Ema Šport (1994−1997)
• Hiron Botinec (1997−2003)
• Hiron (2003−2005)
• Cedevita (2005−presente)

Xogadores

KK Cedevita 2015−2016
Xogadores	Adestradores
Pos. # Nac. Nome Altura Peso Procedencia 2.5 !E-A 4 ! Mazalin, Lovro 2,04 m (6 ft 8 in) 88 kg (194 lb) KK Cibona (2013) 4.0 !AP 5 ! Zubčić, Tomislav 2,12 m (6 ft 11 in) 96 kg (212 lb) Lietuvos Rytas (2013) 2.0 !E 8 ! Pilepić, Fran 1,94 m (6 ft 4 in) 85 kg (187 lb) Bilbao Basket (2014) 3.0 !A 9 ! Babić, Luka 2,01 m (6 ft 7 in) 92 kg (203 lb) KK Split (2012) 4.5 !AP-P 11 ! Žganec, Karlo 2,06 m (6 ft 9 in) 102 kg (225 lb) KK Zagreb (2014) 5.0 !P 15 ! Bilan, Miro 2,13 m (7 ft 0 in) 102 kg (225 lb) KK Zadar (2011) 4.5 !AP-P 17 ! Delaš, Mario 2,07 m (6 ft 9 in) 98 kg (216 lb) Obradoiro CAB (2014) 1.0 !B 20 ! Gordić, Nemanja 1,93 m (6 ft 4 in) 90 kg (198 lb) KK Igokea (2014) 5.0 !P 34 ! Lončar, Markus 2,11 m (6 ft 11 in) 100 kg (220 lb) Cedevita Juniors (2014) 4.5 !AP-P 35 ! Arapović, Marko 2,07 m (6 ft 9 in) 105 kg (231 lb) KK Cibona (2014) 2.5 !E-A 44 ! Vučić, Ivan 1,97 m (6 ft 6 in) 92 kg (203 lb) Cedevita Juniors (2014) 1.5 !B — ! Katić, Toni 1,88 m (6 ft 2 in) 84 kg (185 lb) HKK Široki (2015) 1.5 !B — ! Mikšić, Karlo 1,95 m (6 ft 5 in) 86 kg (190 lb) Cedevita Juniors (2015) 1.5 !B — ! Pullen, Jacob 1,85 m (6 ft 1 in) 90 kg (198 lb) New Basket Brindisi (2015) 2.5 !E-A — ! White, James 2,01 m (6 ft 7 in) 98 kg (216 lb) UNICS Kazan (2015) 5.0 !P — ! Žorić, Luka 2,11 m (6 ft 11 in) 105 kg (231 lb) Fenerbahçe Ülker (2015)	Adestrador Veljko Mršić Asistente(s) Gianmarco Pozzecco Dražen Orešković Dino Repeša Lenda (C) Capitán Lesionado

Palmarés

Competicións domésticas

• Liga de Croacia
  • Campións (2): 2014, 2015
• Copa de Croacia
  • Campións (3): 2012, 2014, 2015
• Copa Dražen Petrović
  • Campións (2): 2011, 2014

Competicións rexionais

• Liga do Adriático
  • Subcampións (3): 2012, 2014, 2015

Véxase tamén

Ligazóns externas

• Sitio web oficial do KK CedevitaArquivado 21 de novembro de 2012 en Wayback Machine.