Cele Basanta
| Nome orixinal | Celedonio Basanta Casal |
|---|---|
| Biografía | |
| Nacemento | 14 de decembro de 1929  Covas, España |
| Morte | 8 de novembro de 2005 (75 anos) Nova York, Estados Unidos de América |
| Actividade | |
| Ocupación | futbolista |
| Deporte | fútbol |
| Posición de xogo | Centrocampista |
Celedonio Basanta Casal, nado en Covas, Viveiro, o 14 de decembro de 1929, e finado en Nova York o 8 de novembro de 2005, foi un futbolista galego. Foi internacional coa selección de Cuba.
Traxectoria
[editar | editar a fonte]Seus pais, Celedonio Basanta García e Josefa Casal, eran dous viveirenses afincados en Cuba. Cele naceu en 1929 en Covas, a onde súa nai regresara para recuperarse duns problemas de saúde.[1] Criouse en Viveiro, onde comezou a xogar ao fútbol, e en 1948 marchou con seu pai para Cuba, onde traballou como representante dunha casa de pinturas.[1]
Xogou en equipos de barrio da Habana e en 1950 fichou polo Real Iberia, no que militou ata 1954.[2] Pasou entón ao Casino Español, co que conquistou o Campionato Nacional de Cuba en 1956.[1] Dende 1958 ata 1960 xogou no Club Atlético de Cuba.
Posteriormente instalouse en Nova York, onde traballou no mantemento dun edificio de Manhattan. Faleceu na cidade estadounidense o 8 de novembro de 2005, aos 75 anos de idade.
Selección cubana
[editar | editar a fonte]O seu bo xogo nos clubs da Habana fixo que fose convocado pola selección cubana, coa que debutou en 1955. Xogou no combinado cubano ata a Copa CCCF de 1960.[3][4]
Vida persoal
[editar | editar a fonte]Casou en 1965 en Nova York con Josefina Sánchez (natural de Veigue, Sada), coa que tivo tres fillos: Roberto Manuel, José Antonio e Rosemary Soledad.[1]
Palmarés
[editar | editar a fonte]- Campionato Nacional de Cuba (1): 1956.
Notas
[editar | editar a fonte]- ↑ 1,0 1,1 1,2 1,3 Fernández, Martín (2 de agosto de 2020). "Cele Basanta, de Viveiro, ganó la liga de Cuba en 1955 con el Casino Español C.F.". La Voz de Galicia (en castelán). Consultado o 26 de abril de 2021.
- ↑ Fernández, Martín (2 de agosto de 2020). "Conrado y Basanta, dos futbolistas mariñanos en la Selección de Cuba". La Voz de Galicia (en castelán). Consultado o 26 de abril de 2021.
- ↑ "Copa CCCF 1960". rsssf.com (en castelán). Consultado o 26 de abril de 2021.
- ↑ "Cuba en el IX Campeonato". Diario de la Marina (en castelán). 9 de febreiro de 1960. p. Suplemento 14. Consultado o 26 de abril de 2021.