Ces Cotos
| Nome orixinal | César Alejandro Rodríguez Cotos |
|---|---|
| Biografía | |
| Nacemento | 7 de marzo de 2000  (24 anos)Barquisimeto, Venezuela |
| Actividade | |
| Ocupación | futbolista |
| Deporte | fútbol |
| Posición de xogo | Centrocampista |
César Alejandro Rodríguez Cotos, coñecido como Ces Cotos, nado en Barquisimeto o 7 de marzo de 2000, é un futbolista galego-venezolano que xoga como centrocampista no Polvorín, da Segunda División RFEF.
Traxectoria
[editar | editar a fonte]De ascendencia ourensá,[1] naceu na cidade venezolana de Barquisimeto e aos cinco meses trasladouse coa súa familia a Galicia, instalándose na Coruña.[2] Comezou xogando ao fútbol no Calasanz, e en 2010, con 10 anos, ingresou na canteira do Deportivo da Coruña. Entrou en categoría alevín, e subiu polas diferentes categorías ata chegar ao equipo xuvenil da División de Honra.[3] Rematada a súa etapa como xuvenil, rexeitou saír cedido a algún equipo, e abandonou o Deportivo despois de 9 anos no club.[3]
Para a tempada 2019/20 fichou pola UD Paiosaco, co que xogou na Terceira División. A campaña seguinte fichou polo Ourense CF, no mesmo grupo da Terceira División española, onde militou tempada e media. No equipo ourensán disputou un total de 50 partidos, un deles na Copa do Rei ante o Leganés, da Segunda División.[4]
O 22 de xaneiro de 2022 asinou polo Olympiakos Volos da Segunda Superliga de Grecia.[5] Debutou unha semana despois, marcando un gol no empate 1-1 ante o Apollon Larissa FC.[6] Con todo, trala chegada dun novo adestrador, Timos Kavakas, foi relegado ao banco de suplentes.[3] Recuperou a titularidade no treito final da competición e marcou tres goles nos cinco últimos encontros, pero foron insuficientes para evitar o descenso do club á Gamma Ethniki.[3]
A continuación regresou a Galicia, fichando como novo xogador do Polvorín, da Segunda División RFEF. Fíxose rapidamente coa titularidade no filial do Lugo, adestrado por Trashorras, e o 22 de outubro de 2022, debutou co primeiro equipo na Segunda División. Foi na xornada 12, nunha vitoria por 2-0 sobre o Burgos no Anxo Carro, onde o técnico Hernán Pérez lle deu entrada na media hora final como substituto de Cuéllar.[1] Xogou tamén nas tres seguintes xornadas da categoría de prata e foi titular no partido de Copa do Rei ante o Arenas de Getxo en Gobela.[7]
Notas
[editar | editar a fonte]- ↑ 1,0 1,1 Meitín Buján, Ignacio (25 de outubro de 2022). "El Lugo pone alas a otro jugador del filial: Ces Cotos". La Voz de Galicia (en castelán). Consultado o 2 de abril de 2023.
- ↑ Garrote, Pepe (30 de agosto de 2020). "César se apunta al Ourense CF". La Región (en castelán). Consultado o 11 de xullo de 2022.
- ↑ 3,0 3,1 3,2 3,3 Lestón, Antón (24 de maio de 2022). "César Cotos: «En el extranjero haces un buen año y puedes salir en el Fifa»". La Voz de Galicia (en castelán). Consultado o 11 de xullo de 2022.
- ↑ Vázquez, Rosa (15 de decembro de 2020). "Un Ourense con 10 le pone caro el pase al Leganés" (en castelán). Consultado o 11 de xullo de 2022.
- ↑ "Ces Cotos deja un Ourense CF que no jugará en Lugo". 22 de enero de 2022. Consultado o 6 de febrero de 2022.
- ↑ "Apollon Larisas 1-1 Olympiakos Volou". 30 de enero de 2022. Consultado o 6 de febrero de 2022.
- ↑ "El Arenas deja K.O. al Lugo en la competición del K.O.". Marca (en castelán). 12 de novembro de 2022. Consultado o 2 de abril de 2023.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en LaPreferente (en castelán).
| Control de autoridades |
|
|---|
