Cheikh Fayé

Cheikh Fayé, nado no ano 1962 na comunidade rural de Gade Escale, departamento de Diourbel,^[1] é un mestre e escritor senegalés radicado en Galiza.^[2] O 11 de xullo de 2017 presentou o seu primeiro ensaio titulado Ser Modou Moudou e editado pola Asociación Socio-Pedagóxica Galega.^[3] Converteuse, así, no primeiro escritor senegalés que escribe e publica en lingua galega.^[4]

Traxectoria

Traballou como profesor de Xeografía e Historia de Francia no ensino secundario en Dakar.^[5] En 2003 emigrou do Senegal e asentouse na cidade da Coruña. Fayé presentouse ás eleccións municipais de 2015 na lista do BNG na Coruña. Porén, a súa candidatura foi anulada por non ter a nacionalidade española.^[6]

É autor do blog Senegaliza e dende 2016 tamén colabora con artigos de opinión no xornal Sermos Galiza.^[7]

↑ Sermos Galiza, ed. (11 de maio de 2019). "Son coruñés e o que é bo e o que é malo para este concello tamén é bo e malo para min". Arquivado dende o orixinal o 18 de outubro de 2019. Consultado o 14 de maio de 2019.
↑ "Eu creo na cultura como ferramenta para terminar coas tensións no mundo". Sermos Galiza. 6 de xullo de 2017. Arquivado dende o orixinal o 29 de setembro de 2017. Consultado o 28 de setembro de 2017.
↑ entrenosdigital.com (ed.). "A vida dun senegalego na Coruña e outras reflexións desde a negritude". Consultado o 28 de setembro de 2017.
↑ Álvarez, Miguel (11 de xullo de 2017). "Cheikh Fayé: "Como inmigrante, se non tes papeis, tes medo"". El Progreso. Consultado o 28 de setembro de 2017.
↑ ""Ser Modou Modou", la experiencia de un senegalés". La Región. 33 de setembro de 2017. Consultado o 28 de setembro de 2017.
↑ Pardo, Miguel (19 de xullo de 2017). "Cheikh, o senegalés que escribe en galego: "Para chegar a algo aquí hai que suar moito"". Praza. Consultado o 28 de setembro de 2017.
↑ Sermos Galiza (ed.). "Opinións de Cheikh Fayé". Arquivado dende o orixinal o 29 de setembro de 2017. Consultado o 28 de setembro de 2017.