Chus Martínez

Chus Martínez

(2015)
Biografía
Nacemento	1972 (52/53 anos) Ponteceso, España
Educación	Bard College - curatorial studies (en) (–2001) Universidade Autónoma de Barcelona Universidade Columbia
Actividade
Ocupación	historiador da arte, escritora, filósofa, comisaria de arte

Chus Martínez, nada en Ponteceso en 1972, é unha comisaria galega de arte, e directora do Institute of Arte do FHNW Academy of Arte and Design de Basilea (Suíza).

Traxectoria

Estudou Filosofía e Historia da arte. Anteriormente foi conservadora xefe no Museo do Barrio de Nova York, xefa de departamento e membro do Core Agent Group en dOCUMENTA(13), conservadora xefe do MACBA (2008-11), directora da Frankfurter Kunstverein (2005-08) e directora artística de Sala Rekalde de Bilbao (2002-05). Participou na Bienal de Venecia do 2005 e foi asesora curatorial do Carnegie International e da 29a Bienal de São Paulo.

Paralelamente, foi comisaria en numerosas exposicións durante o seu paso pola Frankfurter Kunstverein e o MACBA, e tamén noutras institucións, como o Museo de Arte Raíña Sofía de Madrid. Chus Martínez imparte conferencias, escribe regularmente ensaios críticos en catálogos e é colaboradora habitual de Artforum, entre outras revistas de arte internacionais.