Cipriano Prada
| Biografía | |
|---|---|
| Nacemento | 26 de setembro de 1887  Haro, España |
| Morte | valor descoñecido valor descoñecido |
| Actividade | |
| Ocupación | futbolista |
| Deporte | fútbol |
Cipriano Prada Amedo, nado en Haro o 26 de setembro de 1887, foi un futbolista español, que xogaba como centrocampista.
Traxectoria
[editar | editar a fonte]Nacido na localidade rioxana de Haro, seus pais eran naturais de San Vicente de la Sonsierra (A Rioxa) e de Samaniego (Áraba).[1] Criouse entre Haro e Bilbao, antes de instalarse en Pontevedra, onde a súa familia rexentou o Hotel Méndez Núñez, na praza de San Xosé.[1] Na cidade do Lérez comezou a xogar ao fútbol e acadou gran fama como membro do Pontevedra Sporting, onde coincidiu co seu irmán Benito e co destacado defensa Edmundo Nóvoa.[2]
A fama de Prada e Nóvoa fixo que fosen convidados a reforzar o equipo do Real Madrid (chamado naquel entón aínda Madrid FC) na final da Copa do Rei de 1908, que se celebrou no estadio de O'Donnell de Madrid e na que saíu vencedor o equipo branco, ao derrotar por 2-1 ao Vigo FC.[3] Prada continuou durante anos no Pontevedra Sporting, exercendo como capitán,[4] e en 1913 foi un dos 11 homes que disputaron o primeiro partido da selección española, en Amute contra Francia. Formou na dianteira xunto aos vascos Angoso, Arzuaga, Elósegui e Minondo, nun partido que rematou con empate a un gol.[1]
En novembro de 1918 o Pontevedra Sporting Club e o Club Deportivo Pontevedra fusionáronse para formar o Pontevedra Athletic Club, do que Cipriano Prada foi o primeiro capitán e adestrador.[5]
Palmarés
[editar | editar a fonte]- Madrid FC
- Copa do Rei (1): 1908.
Notas
[editar | editar a fonte]- ↑ 1,0 1,1 1,2 Arrechea, Fernando (1 de marzo de 2021). "25 de mayo de 1913. El primer partido de la Selección Española de Fútbol.". Cuadernos de Fútbol (en castelán) (129). ISSN 1989-6379.
- ↑ "Apuntes noticieros". El Diario de Pontevedra (en castelán) (7167). 11 de marzo de 1908. p. 2. Consultado o 21 de agosto de 2024.
- ↑ "De sport". El Diario de Pontevedra (en castelán) (7193). 13 de abril de 1908. p. 2. Consultado o 21 de agosto de 2024.
- ↑ "De Sport". El Progreso (en castelán) (862). 23 de novembro de 1912. p. 1. Consultado o 21 de agosto de 2024.
- ↑ "El Pontevedra A. Club". El Progreso (en castelán) (2118). 26 de novembro de 1918. p. 1. Consultado o 21 de agosto de 2024.
| Control de autoridades |
|
|---|
