Ciudad Encantada

Ciudad Encantada

Tipo	espazo natural protexido monumento natural de España
Localización
División administrativa	Cuenca, España
40°12′23″N 2°00′24″O
Características
Categoría IV da UICN: área de xestión de hábitat e especies
World Database on Protected Areas
Identificador	389021

O Tormo Alto, exemplo de erosión diferencial na Ciudad Encantada de Cuenca.

A Ciudad Encantada é unha paraxe natural de formacións rochosas calcarias formadas ó longo de miles de anos. Localízase preto de Valdecabras, no termo municipal de Cuenca (España), nunha ampla zona de piñeirais da parte meridional da serranía conquense e a unha altitude de 1.500 metros. Está situada nunha leira privada á cal se pode acceder previo pago de 5€.

Foi declarada Sitio Natural de Interese Nacional o 11 de xuño de 1929. A acción da auga, o vento e o xeo fixo posible este fenómeno cárstico. A heteroxeneidade das rochas en canto á súa morfoloxía, composición química e grao de dureza é o que permitiu o desgaste desigual das mesmas polos elementos atmosféricos. Ás caprichosas e espectaculares formacións existentes hai que sumar lapiaces, dolinas e sumidoiros.

Comparte estas características especialmente con "Los Callejones", paraxe situada no termo municipal de Las Majadas. Ambos os lugares forman parte do Parque natural Serranía de Cuenca, creado mediante a Lei da Comunidade Autónoma de Castela-A Mancha 5/2007.

Véxase tamén

Ligazóns externas

• Páxina oficial (en castelán)