Cogomelo da palla

Cogomelo da palla
Exemplares de Volvariella volvacea. Algúns co veo completo e outros con el aberto.
Clasificación científica
Reino: Fungi División: Basidiomycota Clase: Agaricomycetes Orde: Agaricales Familia: Pluteaceae Xénero: Volvariella Especie: V. volvacea
Nome binomial
Volvariella volvacea (Bulliard ex Fries) Singer, 1951
Sinonimia
Volvaria volvacea Agaricus volvaceus Amanita virgata Vaginata virgata

Volvariella volvacea (coñecido como cogomelo da palla) é unha especie de fungo comestible cultivado amplamente no leste e sueste de Asia e usado na súa culinaria.

Nomes

En chinés, son chamados cǎogū (草菇, lit. "palla champiñón"); en Filipinas son coñecidos como kabuteng saging (fungo de banana); en thai chámanse het fang (เห็ดฟาง) e en vietnamita son chamados nấm rơm. En Asia é fácil conseguilos frescos, mais fóra dos países de cultivo véndense enlatados ou secos.

Cultivo

Estes fungos son cultivados en camas de palla de arroz e colleitados inmaturos, durante a fase de botón ou "ovo" e antes de que se abra o veo. Son adaptables e necesitan de 4 a 5 días para madurar. Cultívanse en climas subtropicais, con alta pluviosidade anual. Non se coñecen rexistros do seu cultivo anteriores ao século XIX.

Precaución

Parécese ao fungo velenoso Amanita phalloides, pero pode distinguirse porque a esporada da especie velenosa é branca e a da especie comestible é rosada. A súa confusión provocou algunhas intoxicacións en persoas tanto en California como en Australia, por exemplo.