Comarca de Las Vegas
| Localización | |||||
|---|---|---|---|---|---|
| |||||
| Estado | España | ||||
| Comunidade autónoma | Comunidade de Madrid  | ||||
| Creación | 1983 | ||||
A Comarca de Las Vegas é unha das comarcas da Comunidade de Madrid segundo a Guía de Turismo Rural e Activo, editada pola Dirección Xeral de Turismo (Consellería de Cultura e Turismo) da Comunidade de Madrid. Posúe unha extensión de 1378,13 km² e está bañada polos ríos Tajo, Tajuña e Jarama.
Xeografía
[editar | editar a fonte]
A comarca de Las Vegas é a máis meridional da Comunidade de Madrid, o río Tajo marca a fronteira sur da rexión administrativa coas provincias de Toledo, Cuenca e Guadalaxara (Castela-A Mancha). Os seus 23 concellos posúen unha clara influencia manchega, con arquitectura, paisaxe e costumes similares.
O relevo da comarca é levemente accidentado debido aos numerosos cursos de auga que percorren o territorio. Os seus límites xeográficos están moi delimitados polos outeiros que a bordean, terras estas de secaño que contrastan vivamente coa paisaxe verde e rico que ofrecen as veigas dos ríos.
Entre as áreas naturais destaca o Parque Rexional do Sueste. A vexetación é esteparia, adaptada ao clima seco e oscilante, con especies que resisten ben a seca estival: piñeiro carrasca, aciñeira, oliveira e xesta. Asociada aos ríos que sucan a comarca crece o bosque de ribeira onde sobresaen os olmos, os salgueiros, os álamos e os chopos.
Las Vegas posúe un clima mediterráneo continental que se caracteriza polas grandes oscilacións térmicas entre os meses de verán (longos e calorosos) e os de inverno (fríos con abundantes néboas). A media anual de precipitacións é unha das máis baixas da Comunidade de Madrid, concentradas no outono e a primavera.
Economía
[editar | editar a fonte]As fértiles terras de Las Vegas determinaron unha marcada tradición agrícola que se mantén na actualidade. Boa proba diso é a produción de amorodos, espárragos, alcachofas, pementos ou melones, cultivos que gozan de recoñecemento máis aló dos límites autonómicos. Tamén os sectores industrial e turístico están presentes debido á proximidade á Área metropolitana de Madrid. Un dos grandes referentes do turismo do século XXI é o Parque Warner, un parque de atraccións temático situado en San Martín de la Vega.[1]
Patrimonio
[editar | editar a fonte]
Entre as cidades máis coñecidas e monumentais destacan Aranjuez e Chinchón, aínda que tamén existe un valioso patrimonio relixioso e civil noutros pobos da comarca.[2]
Aranjuez
[editar | editar a fonte]A cidade de Aranjuez está declarada Patrimonio da Humanidade pola Unesco desde o ano 2001 baixo a denominación de Paisaxe cultural de Aranjuez. Entre os seus monumentos máis destacados están o Palacio Real, os Xardíns Reais, a Igrexa de San Antonio e o Convento de San Pascual, que pertencen todos a Patrimonio Nacional.
Chinchón
[editar | editar a fonte]Chinchón é Conxunto Histórico-Artístico desde 1974 e pertence á rede de Os pobos máis bonitos de España. Destaca o seu Praza Maior, de arquitectura popular medieval; a Igrexa da nosa Señora da Asunción, o Castillo dos Condes de Chinchón e o Convento de San Agustín (reconvertido en Parador Nacional de Turismo).
Outros monumentos
[editar | editar a fonte]Las Vegas ten unha interesante arquitectura, tal e como se pode apreciar na Praza Maior de Colmenar de Oreja, típica praza porticada castelá similar á de Chinchón. Tamén é unha terra de castelos, dos cales moitos se atopan aínda en bo estado de conservación, é o caso do Castelo de Villarejo de Salvanés, ou o Castelo de Fuentidueña de Tajo. Ademais, conta con diversas actividades culturais e relixiosas de gran importancia turística, como a Embarcación de Fuentidueña de Tajo, a Paixón de Chichón ou a Representación da Batalla do Jarama.
Concellos da comarca
[editar | editar a fonte]A comarca está formada polos seguintes concellos, coa superficie en quilómetros cadrados e a súa poboación no ano 2021:
Concello Superficie Poboación Total comarca 1579,13 162 386 Ambite 26 662 Aranjuez 189,13 59 833 Belmonte de Tajo 23,71 1751 Brea de Tajo 44,33 523 Carabaña 47,58 2142 Chinchón 115,91 5506 Ciempozuelos 49,64 25 083 Colmenar de Oreja 114,32 8303 Estremera 79,1 1381 Fuentidueña de Tajo 60,59 2228 Morata de Tajuña 45,2 7924 Orusco de Tajuña 21,51 1291 Perales de Tajuña 48,92 3059 San Martín de la Vega 105,93 19 853 Tielmes 26,88 2781 Titulcia 9,95 1360 Valdaracete 64,31 612 Valdelaguna 42,13 1026 Valdilecha 42,48 3079 Villaconejos 32,97 3464 Villamanrique de Tajo 29,32 762 Villar del Olmo 27,62 2211 Villarejo de Salvanés 118,62 7552
Notas
[editar | editar a fonte]- ↑ "La comarca de Las Vegas: la huerta de Madrid" (en castelán). 10 de abril de 2013.
- ↑ "Las Vegas - Turismo de Madrid" (en castelán).