Conversa:Maternidade

Artigos distintos para "maternidade" e "nai"?

Este artigo redirixe a un chamado "nai". Penso que deberían ser artigos distintos. Por exemplo, na Wikipedia en catalán son dous https://ca.wikipedia.org/wiki/Mare / https://ca.wikipedia.org/wiki/Maternitat Lles (conversa) 22 de xaneiro de 2018 ás 14:30 (UTC)

@Lles: Eu penso que non. Como podes ver nos exemplos que puxeches, o criterio en 130 linguas é ter un so artigo, agás na wikipedia en catalán, que amais teñen ese outro artiguiño de tres liñas, que, como digo, unicamente teñen eles. --. HombreDHojalata.^conversa 22 de xaneiro de 2018 ás 22:19 (UTC)

@HombreDHojalata: Non hai concordancia con paternidade e pai. Nalgunhas Wikipedias (inglés e español) teñen paternidade e pai como entradas distintas https://www.wikidata.org/wiki/Q2666662 Lles (conversa) 23 de xaneiro de 2018 ás 11:53 (UTC)

d:Q2666662 corresponde ó título dun episodio da serie House ☣Banjo ^{tell me} 23 de xaneiro de 2018 ás 11:56 (UTC)

Pensei que era esta https://es.wikipedia.org/wiki/Paternidad, porque hai distintas entradas para padre e para paternidad en ES https://es.wikipedia.org/wiki/Padre e https://es.wikipedia.org/wiki/Paternidad. Na Galipedia, na entrada pai hai un paternidade en vermello para crear páxina. Lles (conversa) 23 de xaneiro de 2018 ás 12:13 (UTC) Creo que é esta https://www.wikidata.org/wiki/Q17996406 a correcta Lles (conversa) 23 de xaneiro de 2018 ás 12:17 (UTC)

┌────────────────────────────────────────────────────────────────────────────────────────────────────┘ O que fagan outras wikipedias é como moito unha guía, e como dixo HdH a gran maioría delas non separa conceptos en artigos distintos. Non hai motivo para separalos aquí tampouco, nin por contido actual nin por posible contido futurible. Nin se están a dar argumentos que diferencien os conceptos, nin de que haxa contido dispoñible para desenvolver dous artigos separados, nin sequera un razoamento ó respecto, tan só o feito de que existe separación de artigos noutra wikipedia, cando a Wikipedia non é fonte primaria. A propia definición da RAG déixao claro: Definicións no Dicionario da Real Academia Galega e no Portal das Palabras para Paternidade. Definicións no Dicionario da Real Academia Galega e no Portal das Palabras para Maternidade. ☣Banjo ^{tell me} 23 de xaneiro de 2018 ás 12:23 (UTC)

Eu considero que habería que deixarlle espazo a unha entrada de maternidade sobre o recoñecemento legal e social. Lles (conversa) 23 de xaneiro de 2018 ás 12:34 (UTC)

Que problema hai en recoller esa información nun mesmo artigo? ☣Banjo ^{tell me} 23 de xaneiro de 2018 ás 12:37 (UTC)

O artigo nai é sobre o biolóxico ou non biolóxico do concepto, non sobre a institución sociocultural que penso que tería cabida nunha entrada maternidade, ao redirixir, xa non ten cabida. Lles (conversa) 23 de xaneiro de 2018 ás 12:57 (UTC)

Por exemplo, todo o que ten que ver coa antropoloxía cultural Lles (conversa) 23 de xaneiro de 2018 ás 13:08 (UTC)

@HombreDHojalata:, @Banjo: Eu véxoo imprescindíbel para falar, por exemplo, do libro de Victoria Sau http://www.icariaeditorial.com/libros.php?id=125 Lles (conversa) 23 de xaneiro de 2018 ás 15:02 (UTC)

Por exemplo:

Nai coa súa filla

A maternidade para o Dicionario da Real Academia Galega é a condición de nai, o feito de traer un neno ao mundo ou o estabelecemento hospitalario onde se atende ás mulleres durante o embarazo, parto e puerperio, así como aos lactantes.

No século XX e XXI iniciáronse varios debates sobre a maternidade, sobre todo desde o pensamento feminista nos que se cuestiona a súa transcendencia no económico, político e social.

Debates sobre a maternidade

Na primeira vaga do feminismo na primeira metade do século XX en numerosos países servíronse da maternidade como trunfo para penetrar na esfera pública reivindicando dereitos para as nais e para as mulleres en xeral.

Na segunda vaga do feminismo no feminismo da igualdade a maternidade foi cuestionada desde a necesidade de independencia que se analizaba coartada por esta.

En contraposición o feminismo da diferenza reivindicou os valores culturalmente atribuídos ao feminino. Valores asociados á maternidade e á socialización diferenciada das mullleres.

Sharon Hays elaborou o concepto de maternidade intensiva para denominar o tipo de maternidade que se desenvolveu nos anos 70-80 do século XX nos países ricos.

No Estado Español a propia definición do que é a maternidade quedou traspasada polo cuestionamento da súa existencia máis aló do biolóxico nas sociedades patriarcais e da súa non equiparación e secundarización con respecto da paternidade no libro El vacío de la maternidad de Victoria Sau:

A maternidade biolóxica (concepción, embarazo e parto) así como por extensión a crianza, non puede ser considerada maternidade desde unha perspectiva de rango humano se non vai seguida da súa correspondente trascendencia no económico, político e social. A Nai foi rebaixada á condición de funcionaria do Pai.

No plano político considérase que falar da maternidade tanto apunta ao dereito de ser nai e de vivenciar unha maternidade plena como ao dereito da muller de escoller non ser nai.

Para Elisabeth Badinter a maternidade converteuse nunha nova forma de escravitude como resultado da crise económica nos inicios do século XXI en Europa.

E no plano económico para Carolina del Olmo a maternidade é "un lugar atravesado pola economía, a política e a moral e que ao mesmo tempo constitúe o centro da nosa estrutura social e lle dá forma ao sentido común e á ética compartida".

Desde a antropoloxía cultural

En todas as sociedades as mulleres dan a luz, mais este feito non merece sempre idéntico recoñecemento di a antropóloga Henrietta Moore.

Para Cristina Palomar Verea "A maternidade non é un “feito natural”, senón unha construción cultural multideterminada, definida e organizada por normas que se desprenden das necesidades dun grupo social específico e dunha época definida da súa historia."

Para Perrot a maternidade non comeza co embarazo, xa que para moitas mulleres a maternidade é fonte de identidade aínda cando non fose unha etapa vivida.

Desde a arte

A reflexión sobre a maternidade estivo na exposición Alén dos xéneros na Galiza en 2017.

Desde a historia

No Antigo Exipto existían significados especiais na maternidade e que usualmente se manifestaban no hábito funerário.

Sepáranse como distintos conceptos a maternaxe da maternidade.

Na investigación histórica na análise da maternidade en occidente estabelecen dous periódos separados en torno a antes e despois do século XVIII. Na antigüidade e na Idade Media habería unha desvalorización da maternidade relacionada coa énfase no poder paterno. No século XVIII deseñaríase unha nova imaxe da relación da muller coa maternidade e unha exaltación do amor materno.

Na URSS premiouse a maternidade cunha medalla.

No século XXI hai unha familia posfamiliar para a que foi preciso que houbese varias disociacións sucesivas, o sexo con respecto á reprodución, a maternidade con respecto ao matrimonio e a maternidade con respecto á parella.

No Estado Español

A Segunda República Española lexislou sobre a maternidade coa instauración do Seguro de Maternidade. Foi controvertido e xerou varios conflitos, sobre todo en Cataluña.

No franquismo a Igrexa Católica e a Falange configuraron un modelo de muller tradicional que tiña na maternidade e a perpetuación da familia a súa misión suprema.

Na Galiza

Os permisos de maternidade e de paternidade están converxendo en 2018. . A confluencia pode ser considerada como un índice de maior corresponsabilidade.

Para apoiar o valor social da maternidade e a paternidade é preciso evitar os efectos negativos da maternidade nos dereitos das mulleres e promover a consideración da paternidade nun contexto familiar e social de corresponsabilidade, de acordo cos novos modelos de familia

Bibliografía

• http://www.lavanguardia.com/cultura/20171007/431833993870/maternidad-topicos-literatura.html (En castelán)
• Múltiples feminismos y discursos sobre las maternidades http://www.caps.cat/images/stories/Lorena_Saletti.pdf (En castelán)
• http://www.emakunde.euskadi.eus/contenidos/informacion/certamen_publicaciones/es_def/adjuntos/2013.feminismo.maternidad.relacion.incomoda.pdf (en castelán)

Notas

{{en progreso}} [[Categoría:Maternidade]]

Insisto, @Lles:. Penso que deberiamos traballar en mellorar o artigo nai (mesmo con estes contidos que propós) e non en crear un novo artigo en maternidade con contidos distintos. --. HombreDHojalata.^conversa 24 de xaneiro de 2018 ás 10:32 (UTC)

@HombreDHojalata:, creo que desde unha perspectiva feminista son artigos distintos. Lles (conversa) 24 de xaneiro de 2018 ás 10:49 (UTC)

┌────────────────────────────────────────────────────────────────────────────────────────────────────┘ Se o que queres decir é que, dende unha perspectiva feminista, son conceptos distintos, explícao (con referencias a fontes acreditadas) no artigo nai. Así, tanto os lectores que busquen nai como os que busquen maternidade (redirección) chegarán a esa información. --. HombreDHojalata.^conversa 24 de xaneiro de 2018 ás 10:57 (UTC)

Non me parece ben. É deixar quedar mal a Wikipedia. Se Victoria Sau di que a maternidade non existe http://www.ub.edu/SIMS/pdf/MujeresSociedad/MujeresSociedad-13.pdf nunha sociedade patriarcal, non vou avisar na páxina nai de que a maternidade non ten entrada na Wikipedia. Lles (conversa) 24 de xaneiro de 2018 ás 11:39 (UTC)

@Lles:: Wikipedia:Edita con afouteza. Se consideras que Maternidade debe ser artigo de seu, coas correspondentes referencias e fontes, edita sen medo. Despois pode xurdir o debate sobre se o contido se debe fusionar con Nai ou debe quedar como artigo propio. Ora ben: debemos ser conscientes de que unha visión persoal non é [aínda] unha corrente maioritaria nin nos estudos feministas non na sociedade en xeral, polo que a teoría debe ser explicada como tal, e deben recollerse tamén outros puntos de vista ao respecto, para achegar un punto de vista neutral. --Estevo(aei)^{pa o que queiras...} 24 de xaneiro de 2018 ás 12:01 (UTC)

Segundo escribo vexo máis claro o de que non se pode meter a entrada maternidade no artigo nai, xa que no "plano político considérase que falar da maternidade tanto apunta ao dereito de ser nai e de vivenciar unha maternidade plena como ao dereito da muller de escoller non ser nai". Lles (conversa) 25 de xaneiro de 2018 ás 11:39 (UTC)

@Lles:: Uns exemplos poden servir para a reflexión. Meteríamos Xerusalén como capital de Israel? Meteríamos Einstein como alemán? En Gorbachov, escribiríamos un apartado "Nacemento e adolescencia na Unión Soviética"? "Nacemento" na ovella Dolly? Falaríamos de "intersexo" en [Sexo biolóxico]? Falaríamos de relacións psicoafectivas en Coito? Prometo que pensaba en Élisabeth Badinter cando lin o debate. Se ela e outr@ pensador(a) pensan distinto de Maternidade, atomizamos conceptos [Maternidade (Badinter)], [Maternidade (Beauvoir)], [Maternidade (Hildegarda Carballeira)] e [Maternidade (Tamara Falcó)]? Este tipo de cousas cuestionables adoitan ir co mainstream. Xa sei que é inxusto, pero é o habitual, á parte de prático para quen queira informarse e para poder poñelo accesible a un lector que poida estar interesado. ※ Sobreira ►〓 「parlez 」 7 de febreiro de 2018 ás 19:30 (UTC)

@Sobreira:: Estou de acordo contigo con que non é fácil para unha enciclopedia tomar as decisións de cal é o punto de vista neutral, mais iso non evita que todos os temas teñan que ter entrada, por moi polémicos que sexan. A maternidade para o feminismo éo. Reflectirmos o debate non é doado. Penso que a maternidade pode ter unha entrada na Wikipedia que tente explicar a importancia que ten o debate sobre ela. Polo que escribes, deduzo que liches e reflexionaches moito sobre o tema e que as túas achegas neste artigo poden ser de moito interese. Eu non lin directamente a Élisabeth Badinter, fixen o apuntamento desde o que lin sobre o debate da maternidade estes días. Se logras reflectir mellor o debate e achegalo máis ao punto neutral, ou ao mainstream, se quedou escorado, sería estupendo. Lles (conversa) 8 de febreiro de 2018 ás 08:19 (UTC)

Ligazón a outras Wikipedias

Vai ser complicada a ligazón a outras Wikipedias porque en galego maternidade é unha palabra polisémica, mais hai idiomas que distinguen o biolóxico do social con termos distintos. En inglés maternity/motherhood, en alemán mutterschaft/mutterlichkeit. Lles (conversa) 7 de setembro de 2018 ás 09:45 (UTC)

Jane Lazarre

Como integrar a Jane Lazarre [1] ou Mother Reader: Essential Writings on Motherhood ? Lles (conversa) 29 de outubro de 2018 ás 14:37 (UTC)

Documentación

Documental M-otherhood de Inès Peris Mestre, Madres arrepentidas de Orna Donath, No Madres de María Fernández-Miranda. [2]. Lles (conversa) 8 de maio de 2019 ás 07:18 (UTC)

Ligazóns externas modificadas (novembro 2019)

Ola compañeiros editores,

Acabo de modificar 1 ligazóns externas en Maternidade. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

• Engadiuse o arquivo https://web.archive.org/web/20180206190233/http://revistadecomunicacionysalud.org/index.php/rcys/article/view/131 á ligazón http://revistadecomunicacionysalud.org/index.php/rcys/article/view/131

Por favor revisade o FAQ para máis información sobre como corrixir erros do bot.

Saúdos.—InternetArchiveBot (Informar de erros) 5 de novembro de 2019 ás 16:59 (UTC)

Materfem

Maternidades Feministas (Materfem) [3] —o anterior comentario sen asinar foi feito por Lles (conversa • contribucións) 8 de xaneiro de 2021 ás 09:53‎