Conversa usuario:Myanllo

Benvido(a) á Galipedia, Myanllo! Esta é a túa páxina de conversa, que che servirá para recibires mensaxes doutros colaboradores. Ademais, tes a túa páxina de usuario, onde podes poñer os teus datos, intereses etc.
Primeiros pasos Os alicerces da Wikipedia son estes Cinco piares, polo que é importante que lle botes unha ollada. Na guía de edición e nas preguntas frecuentes podes atopar moita información de axuda. Explícase como editar unha páxina, como configurar a interface (por exemplo, elixir a lingua), como cargar ficheiros e os puntos básicos das políticas e normas da Wikipedia. Non precisas de coñecementos técnicos para contribuír aquí. Anímate a contribuír e presupón boa fe con respecto ás intencións dos outros colaboradores. Isto é un wiki, polo que é realmente doado contribuír. Se o desexas podes crear un artigo, paso a paso, coa axuda do noso asistente. Onde atopar axuda Hai máis información dispoñible na páxina de axuda e no Portal da comunidade. Pódeste pór en contacto co resto dos usuarios na Taberna da Galipedia. Tamén podes contactar cos administradores na súa páxina de conversa ou no Taboleiro dos administradores.		Recomendacións Na túa páxina de usuario podes pór caixas informativas coas linguas que coñeces, segundo se explica na páxina Babel, para que outros saiban en que linguas se poden comunicar contigo ou coas que podes axudar. Para responder a unha mensaxe dun usuario tes que facelo na súa páxina de conversa, senón, non lle sairá o aviso de que ten mensaxes novas e é moi posíbel que non se decate da túa resposta. Por favor, engade sempre a túa sinatura nas páxinas de conversa escribindo ~~~~.   Se o desexas, podes axudarte do revisor ortográfico, activándoo en: Preferencias → Trebellos → Navegación → Ortografía: Activar o revisor ortográfico. Cometiches un erro? Queres avisar dun erro que cometiches e que non sabes como solucionar? Deixa unha mensaxe na páxina de conversa dese artigo, comunícao na Taberna ou coméntallo a outro usuario. Todos cometemos erros, é normal, e sempre estamos dispostos a axudar a quen comeza.

Boa estadía e bo traballo. Saúdos, --Elisardojm (conversa) 30 de xuño de 2015 ás 10:53 (UTC)

Proposta

Boas, respondín á túa proposta na taberna. Saúdos, --Elisardojm (conversa) 1 de xullo de 2015 ás 00:01 (UTC)

Ola, hai que afacerse pouco a pouco ó trebello pero é doado, ademais editar os artigos é moito máis sinxelo coa nova ferramenta do Wikipedia:Editor visual. Para poñer un comentario na taberna só tes que darlle a editar a sección que queres, o problema pode ser atopar as cousas :), neste caso o sitio é este. E un detalle importante, cando fagas comentarios tes que lembrarte de firmar, para iso só tes que darlle á icona do lapis que hai enriba da caixa de edición.

Tes razón que o ano pasado fixemos unha actividade nesas datas polo Día da ciencia en galego pero polo momento non temos novas de se van repetir a actividade nin tampouco se o farán nas mesmas datas. Se queredes podo tentar contactar coa xente que o organizou para ver se xa teñen pensado algo.

E si, cando queirades podedes comezar unha páxina similar a esa, e como aínda hai moitas cousas por definir podedes poñer un cartel na cabeceira indicándoo. Se non sabedes como poñer o cartel avisádeme e xa llo poño eu cando teñades creada a páxina. Cando a teñades feita o mellor sería avisar na taberna, no fío onde se anunciou, de que ides usar esa páxina para ir definindo os detalles do mesmo e que así toda a comunidade a coñeza e saiba onde seguir os avances e participar no que vexa preciso.

Eu participei na organización deses eventos e se queredes podemos quedar algún día para falar dos detalles que vexades, pero realmente a maior parte deles está na wiki :) Se queredes contactar comigo por correo só tedes que ir á miña páxina de usuario e premer na ligazón "Enviar un correo electrónico a este usuario". Saúdos, --Elisardojm (conversa) 22 de xullo de 2015 ás 10:00 (UTC)

Ah, outra cousa que se me esqueceu comentar e que pode ser importante, sería ben que botárades un ollo a Wikipedia:Conflito de intereses. Saúdos, Elisardojm (conversa) 22 de xullo de 2015 ás 11:13 (UTC)

Moi ben, se precisades de algo xa sabedes onde estou :) Saúdos, Elisardojm (conversa) 24 de agosto de 2015 ás 19:04 (UTC)