Covas de Frasassi

Covas de Frasassi
Tipo	cova turística
Localización
División administrativa	Genga, Italia (pt)
	43°24′03″N 12°57′48″L / 43.4009, 12.9632
Características
Dimensións	5.000 () × 400 () m ;
Ben cultural de Italia
Historia
Data de descuberta ou invención	1971
Sitio web	frasassi.com

As covas de Frasassi, en italiano Grotte di Frasassi, son unha rede de cavernas karsticas italianas que se atopan no interior do Parque Natural rexional da Gola della Rossa e de Frasassi, no concello de Genga, provincia de Ancona (rexión das Marcas), descubertas en 1948.

Descrición

As covas foron descubertas o 28 de xuño de 1948 cando algúns compoñentes do grupo espeleolóxico de Ancona descubriron a entrada da primeira gruta, chamada «grotta del Fiume». Foron descubríndose outras cavidades da mesma rede até que, o 25 de setembro de 1971, o grupo espeleolóxico CAI de Ancona descubriu a «Grotta Grande del Vento»; o equipamento non lles permitiu descender até a base da cavidade, e calcularon a altura lanzando unha pedra e medindo o tempo de caída, co que calcularon 100 metros. Posteriormente dotáronse do equipamento adecuado e exploraron o inmenso espazo que chamouse «Abisso Ancona» (abismo Ancona) en honra á cidade dos descubridores. A noticia do achado difundiuse a través dos xornais e é a partir de entón cando comezou a fama entre o gran público das covas de Frasassi.

O «Abisso Ancona» ten unha extensión de 180x120m e de 200m de altura^[1] e é tan grande (máis de dous millóns de m³) que no seu interior podería contenerse a Catedral de Milán.

Os descubrimentos sucedéronse ao longo dos anos e foron explorados outros ambientes máis ou menos accesibles. Até o momento o complexo de cavernas de Frasassi consta dunha lonxitud de máis de 13 quilómetros.

O 1 de setembro de 1974 parte das grutas abríronse ao público e son unha das maiores atraccións turísticas da rexión, estimándose en máis de 10 millóns de visitantes.