Cristina Olea
| Biografía | |
|---|---|
| Nacemento | 1982  (41/42 anos)Vigo, España |
| Educación | Universidade de Santiago de Compostela (–2004) Universidade Autónoma de Barcelona RTVE Instituto |
| Actividade | |
| Ocupación | xornalista |
| Empregador | RTVE (2006–) |
Cristina Olea Fernández, nada en Vigo en 1982, é unha xornalista galega.
Traxectoria
[editar | editar a fonte]Realizou a súa formación inicial na Universidade de Santiago de Compostela, onde se licenciou en Xornalismo en 2004. Tamén fixo o máster en Xornalismo de Televisión do Instituto RTVE e o Diploma de Estudos Avanzados (DEA) en Humanidades pola Universidade Autónoma de Barcelona.
Dende o ano 2006 traballa en Televisión Española como cronista parlamentaria e posteriormente na sección de internacional. Foi enviada especial a diversos países do mundo, entre as que destaca a cobertura das eleccións dos Estados Unidos de 2012 cando Barack Obama saíu elixido presidente e o conclave de 2013 no que foi elixido Jorge Mario Bergoglio como novo Papa da Igrexa católica co nome de Francisco.[1]
Dende 2018 é correspondente de Televisión Española en Washington, D.C. (nos Estados Unidos).[2] En xaneiro de 2021 entrevistou o expresidente estadounidense Barack Obama para o programa Informe Semanal.[3]
Recoñecementos
[editar | editar a fonte]- 2013: Globo de Ouro do World Media Festival pola súa reportaxe "El desencanto de Europa" para o programa informativo En Portada.
- 2013: Gran Premio do Xurado do World Media Festival con ‘El desencanto de Europa’, reportaxe para o programa ‘En Portada’.
Notas
[editar | editar a fonte]- ↑ "Desempeños profesionales de Cristina Olea". Consultado o 1 de febreiro de 2023.
- ↑ "Cristina Olea. TVE en Washington". Consultado o 1 de febreiro de 2023.
- ↑ "Nueva entrevista internacional de TVE: Cristina Olea conversará con Obama tras la investidura de Biden". Consultado o 1 de febreiro de 2023.