Día Internacional para a Erradicación da Pobreza
| Día Internacional para a Erradicación da Pobreza | |||
|---|---|---|---|
.jpg) | |||
| Tipo | día internacional  | ||
| Epónimo | pobreza | ||
| Personalidades | |||
| Fundador/a | Joseph Wresinski e ONU | ||
| Data | |||
| Fundación | 25 de decembro de 1992 | ||
| Comezo | 1987 | ||
| Contacto | |||
| Páxina WEB | un.org… | ||
| [ Wikidata ] | |||
O Día Internacional para a Erradicación da Pobreza é unha celebración internacional que se celebra cada ano o 17 de outubro en todo o mundo. A primeira conmemoración do evento tivo lugar en París, Francia, en 1987, cando 100.000 persoas se reuniron na Praza dos Dereitos Humanos e das Liberdades do Trocadéro para homenaxear ás vítimas da pobreza, a fame, a violencia e o medo ao descubrir unha pedra en conmemoración do Padre Joseph Wresinski, fundador do Movemento Internacional ATD Cuarto Mundo. En 1992, catro anos despois da morte de Wresinski, as Nacións Unidas designaron oficialmente o 17 de outubro como "Día Internacional para a Erradicación da Pobreza".[1]
Propósito
[editar | editar a fonte]No comezo da súa carreira como activista, Wresinski recoñeceu que os gobernos tendían a ignorar a difícil situación dos que viven na pobreza, o que provocou sentimentos de rexeitamento, vergoña e humillación. En consecuencia, un dos principais obxectivos da xornada é recoñecer as loitas dos pobres e facer escoitar a súa voz aos gobernos e aos cidadáns comúns.[2] A participación das persoas máis pobres é un aspecto importante da observación do día.
Onde quer que homes e mulleres sexan condenados a vivir en extrema pobreza, os dereitos humanos son violados. Reunirse para garantir que eses dereitos sexan respectados é o noso deber solemne. — Joseph Wresinski. Texto gravado na pedra conmemorativa orixinal en París.
Lemas
[editar | editar a fonte]Cada ano, o 17 de outubro está dedicado a un tema concreto vinculado á súa filosofía xeral, e diversas institucións se suman á celebración. A Universidade da Coruña sinalou nunha publicación relativa ao Día Internacional de Erradicación da Pobreza que hai 356 millóns de nenos vivindo en condicións de pobreza extrema, cifra en aumento debido á pandemia de Covid-19, engadindo o a frase de Nelson Mandela "Erradicar a pobreza non é un acto de caridade, é un acto de xustiza".[3]
En 2024, o lema escollido foi "Poñer fin ao maltrato social e institucional; Actuar xuntos por sociedades xustas, pacíficas e inclusivas".[4]
Notas
- ↑ Guisti, Ada (2003-12). "Peace Profile: Father Joseph Wresinski". Peace Review (en inglés) 15 (4): 499–505. ISSN 1040-2659. doi:10.1080/1040265032000156690.
- ↑ "International Day for the Eradication of Poverty, 17 October" (en inglês). Consultado o 17 de outubro de 2019.
- ↑ "Galería de imaxes". UDC Saudable. Consultado o 17 de outubro de 2024.
- ↑ "International Day for the Eradication of Poverty, 17 October 2024". social.desa.un.org; Division for Inclusive Social Development (DISD) (en inglés). Consultado o 2024-10-17.
Véxase tamén
[editar | editar a fonte]Ligazóns externas
[editar | editar a fonte]- Día Internacional para a Erradicación da Pobreza, 17 de outubro, (en inglés). Biblioteca Dag Hammarskjöld.
- Día Internacional para a Erradicación da Pobreza (sitio oficial da ONU) (en inglés).
- Social Perspective on Development Branch, (en inglés). Departamento de Asuntos Económicos e Sociais das Nacións Unidas
- 17 de outubro, Día mundial para superar a extrema pobreza (en inglés).
- Movemento Internacional ATD Cuarto Mundo (en inglés).
- Día internacional para a erradicación da pobreza (en inglés).