Deborah Ajakaiye
| Biografía | |
|---|---|
| Nacemento | 1940  (83/84 anos)Jos, Nixeria (pt)  |
| Educación | Universidade de Birmingham Universidade de Ibadan Universidade Ahmadu Bello (pt) |
| Actividade | |
| Ocupación | xeofísica, xeóloga, profesora universitaria |
| Empregador | Universidade Ahmadu Bello (pt) University of Jos (en) Universidade de Ibadan |
| Membro de | |
| Premios | |
Deborah Enilo Ajakaiye, nada na cidade de Jos (Plateau) en 1940, é unha xeofísica nixeriana.[1] É a primeira muller profesora de física en África e o seu traballo en xeofísica xogou un papel importante na minería en Nixeria.[2]
Traxectoria
[editar | editar a fonte]Ajakaiye foi a quinta de seis fillos. Os seus pais crían na igualdade de educación entre os sexos e distribuían as tarefas domésticas entre os nenos e as nenas. En 1962 graduouse na Universidade de Ibadán cun título en física. Obtivo unha mestría na Universidade de Birmingham, en Inglaterra, e en 1970 obtivo un doutoramento en xeofísica na Universidade Ahmadu Belo, en Nixeria. Orixinalmente interesada nas matemáticas, Ajakaiye di que elixiu estudar xeofísica porque cría que podía axudar ao seu país.[2]
En 1980 converteuse na primeira muller profesora de física en África. Ensinou na Universidade Ahmadu Belo e na Universidade de Jos, sendo a decana de ciencias naturais nesta última. O seu labor en materia de xeovisualización utilizouse para localizar tanto depósitos minerais como augas subterráneas en Nixeria. Tamén creou un mapa de gravidade de Nixeria, traballando con varias das súas estudantes femininas.[2][3] Despois de xubilarse, dedicou o seu tempo a unha organización benéfica con sede en Nixeria, CCWA, que fundara en 1991.[4]
Premios
[editar | editar a fonte]Ajakaiye foi recoñecida tanto polos seus avances científicos como pola súa axuda á nación de Nixeria. A Sociedade de Minería e Xeociencias de Nixeria honrouna polo seu traballo, converténdoa na primeira muller en recibir o premio. Tamén foi a primeira africana negra en ser nomeada membro da Sociedade Xeolóxica de Londres.[2]
Notas
[editar | editar a fonte]- ↑ Onuh, Amara. "Deborah Ajakaiye: Meet The First Female Physics Professor In Africa". Answers Africa. Arquivado dende o orixinal o 15 de agosto de 2021. Consultado o 2019-05-09..
- ↑ 2,0 2,1 2,2 2,3 Oakes, Elizabeth H. (2002). International encyclopedia of women scientists. New York, NY: Facts on File. ISBN 0-8160-4381-7.
- ↑ Ajakaiye, Deborah Enilo & Burke, Kevin (1973-01). "A Bouguer gravity map of nigeria". Tectonophysics (en inglés) 16 (1-2): 103–115. doi:10.1016/0040-1951(73)90134-0.
- ↑ CCWA Christian Care for Widows, Widowers, Aged and Orphans Arquivado 05 de marzo de 2022 en Wayback Machine..
