Demofonte (fillo de Teseo)
  | |
| Biografía | |
|---|---|
| Rei de Atenas | |
| | |
| Familia | |
| Cónxuxe | Filis |
| Fillos | Oxintes |
| Pai | Teseo |
| Irmáns | Acamante |
| Descrito pola fonte | Dicionario Enciclopédico Brockhaus e Efron Paulys Realenzyklopädie der klassischen Altertumswissenschaft |
Demofonte ou Demofoonte (en grego: Δημοφῶν) foi, na mitoloxía grega, o duodécimo rei de Atenas, fillo de Teseo e Fedra e irmán de Acamante.[1][2]
Guerra de Troia
[editar | editar a fonte]Cando Teseo marchou aos infernos, os dioscuros, expulsaron do trono de Atenas a Demofonte e Acamante, que foron substituídos por Menesteu. Ámbolos dous fuxiron a Eubea, e se reuniron con Teseo en Esciros, e marcharon todos xuntos á guerra de Troia, e foi un dos guerreiros que se agocharon no interior do cabalo de Troia. Ao remata-la guerra, conseguiron ceibar a súa avoa avoa, Etra, que fora escrava de Helena, tanto en Esparta como en Troia, e conseguiron de Agamenón a súa liberdade.[1][3]
Durante a súa viaxe de regreso despois da guerra de Troia, parou en Tracia, onde casou con Filis[4] ou Fílide,[1] filla de Licurgo, rei de Tracia, quen lle deu o dereito de substituílo no trono. Como Demofonte, insistía en volver a Atenas, Fílide deulle unha caixa con obxectos consagrados a Rea e esperou a que volvese. Como non volvía, suicidouse maldicíndoo. Cando Demofonte abriu a caixa, espantouse do que vira e ao montar dacabalo, este encabritouse e tirouno, de tal xeito que, caeu sobre a súa propia espada e morreu.[1][4]
Tuvo un fillo, Oxintes, que o sucedeu no trono de Atenas.[5]
Na Literatura
[editar | editar a fonte]Na obra de Eurípides Os Heraclidas, Demofonte concedeu refuxio en Atenas aos fillos de Heracles, que fuxían de Euristeo.[6] Ante un ataque inminente, un oráculo predixo a Demofonte que só sairía vitorioso do conflito se unha virxe nobre era sacrificada a Perséfone. Macaria, filla de Heracles, ofreceuse en sacrificio, e unha fonte de auga, a "Fonte de Macaria", recibiu o seu nome; e Euristeo foi vencido.[6]
Notas
[editar | editar a fonte]Véxase tamén
[editar | editar a fonte] |
Wikimedia Commons ten máis contidos multimedia na categoría: Demofonte |
Bibliografía
[editar | editar a fonte]- Grimal, Pierre (1989). Diccionario de mitología griega y romana (en castelán) (1ª, 4ª reimpresión ed.). Barcelona: Paidós. ISBN 84-7509-166-0.
- Hard, Robin (2008). El gran libro de la mitología griega (en castelán). Madrid: La esfera de los libros. ISBN 978-84-9734-699-3.
| Predecesor: Menesteu |
Reis de Atenas |
Sucesor: Oxintes |
