Dinocariotas
| Dinokaryota | |||||||||||
|---|---|---|---|---|---|---|---|---|---|---|---|
 "Peridinea" na obra de Ernst Haeckel Kunstformen der Natur, 1904 | |||||||||||
| Clasificación científica | |||||||||||
| |||||||||||
Os dinocariotas (Dinokaryota) é a clase (ou superclase) principal dos dinoflaxelados. Neles inclúense todas as especies nas que o núcleo permanece como dinocarion durante todo o seu ciclo vital, o cal está tipicamente dominado polo estadio haploide. Todos os dinoflaxelados "típicos", como Peridinium e Gymnodinium, pertence a este grupo. Outros son máis infrecuentes, como algúns que son coloniais, ameboides, ou parasitos. O xénero Symbiodinium comprende as zooxantelas simbióticas.
Os membros non fotosintéticos do grupo crese que derivan de devanceiros fotosintéticos.[2]
O outro grupo de dinoflaxelados alternativo aos Dinokaryota son os Syndiniales, que carecen de dinocarion.
Clasificación
[editar | editar a fonte]Os dinoflaxelados poden clasificarse pola súa morfoloxía en dous grupos:
Con teca
[editar | editar a fonte]As especies con teca poden dividirse en catro ordes, baseándonos na disposición das placas das súas armaduras:
- Peridiniales - por exemplo, Peridinium
- Gonyaulacales - por exemplo, Ceratium, Gonyaulax
- Dinophysiales - por exemplo, Dinophysis
- Prorocentrales - por exemplo, Prorocentrum
Os Peridiniales son probablemente parafiléticos con respecto aos outros, e nas árbores de ARNr están mesturados coas especies que carecen de teca. As outras tres ordes son probablemente monofiléticas, e Dinophysiales e Prorocentrales están moi emparentados entre eles, e comparten a presenza dunha sutura saxital que divide a teca en dúas.
Porén, nas árbores de ARNr a posición de Prorocentrales é tamén controvertida.[3]
Sen teca
[editar | editar a fonte]Os grupos de dinoflaxelados sen teca son grupos artificiais, e a maioría polifiléticos. Moitos dos xéneros, como Gymnodinium e Amphidinium, son tamén polifiléticos. Porén, algúns poden ser grupos practicamente monofiléticos, como Suessiales, e outros non foron estudados filoxeneticamente.
- Gymnodiniales - por exemplo Gymnodinium, Amphidinium
- Ptychodiscales
- Suessiales - por exemplo Symbiodinium
- Desmocapsales
- Phytodiniales (inclúe Dinococcales, Dinotrichales) - por exemplo Dinamoeba, Pfiesteria
- Thoracosphaerales
Blastodiniales
[editar | editar a fonte]Hai tamén un grupo de dinoflaxelados parasitos denominado Blastodiniales que non teñen dinocarions durante o seu estado trófico. Debido a isto, foron tratados como unha clase separada denominada Blastodiniphyceae, pero algúns deles ou todos puideron terse orixinado dentro das Dinophyceae.
Notas
[editar | editar a fonte]- ↑ Cavalier-Smith, T. (1993). "Kingdom protozoa and its 18 phyla". Microbiological reviews 57 (4): 953–994. PMC 372943. PMID 8302218.
- ↑ JF Saldarriaga; et al. (2001). "Dinoflagellate Nuclear SSU rRNA Phylogeny Suggests Multiple Plastid Losses and Replacements". Journal of Molecular Evolution 53: 204–213. PMID 11523007. doi:10.1007/s002390010210.
- ↑ F. J. R. "Max" Taylor (2004). "Illumination or confusion? Dinoflagellate molecular phylogenetic data viewed from a primarily morphological standpoint". Phycological Research 52: 308–324. doi:10.1111/j.1440-1835.2004.tb00341.x.