Domènec Font
| Nome orixinal | (ca) Domènec Font Blanch  |
|---|---|
| Biografía | |
| Nacemento | 1950 Ponts, España |
| Morte | 17 de maio de 2011 (60/61 anos) Barcelona, España |
| Educación | Universidade Pompeu Fabra - doutoramento |
| Actividade | |
| Ocupación | director de cinema, profesor universitario, teórico do cinema, guionista, escritor |
| Empregador | Universidade Pompeu Fabra |
   | |
Domènec Font, nado en Ponts, provincia de Lleida, Cataluña, en 1950 e finado no mesmo lugar o 17 de maio de 2011 foi un teórico do cinema, guionista, director, realizador e catedrático universitario catalán.
Traxectoria
[editar | editar a fonte]Doutor en comunicación audiovisual pola Universidade Pompeu Fabra, onde desenvolveu o seu labor como catedrático de Teoría e Historia do Cinema e director do Observatorio do Cinema Europeo. Tamén dirixiu a Mostra Internacional de Cinema Europeo Contemporáneo.
Como director e guionista a súa primeira obra foi unha película colectiva, da que tamén foi produtor, Objetivo sexo (1979). En 1984 é o responsábel da serie de Televisión Española La memoria fértil, que permaneceu en antena até 1990 e que serviu para dar a coñecer a traxectoria de persoas claves da cultura española como Luis Buñuel ou Josep Pla, entre moitos outros. Destacou tamén pola súa adaptación á televisión da serie Pepe Carvalho de Manuel Vázquez Montalbán. Foi tamén presidente do Consello Consultivo e Asesor de Barcelona Televisió.
Como ensaísta, a súa obra iníciase en 1974 con Un cine para el cadalso, xunto a Romà Gubern e continuou con Del azul al verde: el cine español bajo el franquismo (1976), ambas as obras dedicadas á censura franquista no cinema.
Véxase tamén
[editar | editar a fonte]Ligazóns externas
[editar | editar a fonte]- Na morte de Domènec Font en Xornal de Galicia o 24 de maio de 2011.
- Domènec Font, un combativo estudioso del cine, en El País o 18 de maio de 2011. (en castelán)
