Dreucol

Dreucol
	; SOS, obra de Dadi Dreucol en Valencia (2013)
Biografía
Nacemento	década de 1980 (35/45 anos); Málaga, España
Outros nomes	Dreucol ; Dadi Dreucol
Actividade
Ocupación	pintor, artista urbano
Sitio web	dadidreucol.com

Dadi Dreucol, ou simplemente Dreucol, nado en Málaga na década de 1980, é o pseudónimo dun artista urbano español activo desde 2007,^[1] e de nome real descoñecido.

Biografía

Fixo os primeiros graffitis aos doce anos, fascinado pola estética da pintura urbana.^[2] Estudou Belas Artes en Valencia, onde se instalou durante varios anos, se ben logo regresou á súa cidade natal, Málaga.^[3]

Obra

A súa serie de murais máis famosa, comezada en 2015, foi a protagonizada por un personaxe semiespido con barba, que representaba un individuo desvinculado de calquera norma ou marca e coa que quería romper coa orde establecida.^[2] A serie reportoulle sona e un periplo de actuacións en festivais, así como intervencións en espazos públicos promovidas polas administracións^[3].

En 2018 rompeu con esa traxectoria de representación subvencionada^[3] e comezou unha serie de intervencións irónicas e máis políticas sobre o espazo urbano e a súa modificación, como grafitis e táboas que simulaban carteis de venda de predios^[3], carteis pegados sobre muro coas letras de "non ao graffiti"^[3], ou pintadas de "non pintar a persiana" sobre persianas^[3] de establecementos.

Porén, a partir de 2022 comezou a borrar a súa obra, repintando espazos públicos con rolo e pintura de cores claras e planas, ou inserindo táboas pintadas de branco e arrodeadas de letras que, xuntas, dispuñan o seu nome artístico^[4].