Edificio Lloyd's

Edificio Lloyd's
	O Edificio Lloyd’s dende a Plantation Place en Fenchurch Street
Edificio
Tipo	Edificio de oficinas
Estilo	High Tech
Custo	75 millóns de libras
Sistema estrutural	Elementos prefabricados de formigón armado
Localización	1 Lime street, Londres, Inglaterra
Coordenadas	51°30′47″N 0°04′57″O / 51.513055555556, -0.0825
Propietario	Shelbourne Developments
Arrendatario	Lloyd's of London
Construción
Inicio	1978
Remate	1986
Dimensións
Altura	88 m
Altura máxima	95,1 m
Plantas	14
Equipo
Arquitecto(s)	Richard Rogers
Enxeñeiro estrutural	Arup
	[ editar datos en Wikidata ]

O Edificio Lloyd's de Londres é a sede do mercado de seguros Lloyd’s of London, está situado no número 1 de Lime street da City de Londres, nunha zona coñecida como Saint Mary Axe. Foi deseñado polo arquitecto británico Richard Rogers, gañador do premio Pritzker de arquitectura no 2007. Dende 2011 está incluído na lista de monumentos catalogados do Reino Unido, co máximo nivel (grao 1), sendo o edificio máis novo nesta categoría.^[1]

Deseño

O edificio foi deseñado por Richard Rogers e construído pola empresa Bovis entre os anos 1978 e 1986. Do mesmo modo que o Centro Pompidou de París (deseñado por Rogers e Renzo Piano), o Lloyd's foi un edificio innovador polo feito de plantear os seus servizos, como escaleiras, elevadores, condutos de electricidade e sistema de subministración de auga no exterior, permitindo liberar o interior, creando un espazo totalmente diáfano. Os doce elevadores panorámicos de vidro foron os primeiros deste tipo instalados no Reino Unido.