Edme-Louis Daubenton
 Lápida de Edme-Louis Daubenton na igrexa de Saint-Pierre en Avon | |
| Biografía | |
|---|---|
| Nacemento | 12 de agosto de 1730 Montbard, ducado de Borgoña |
| Morte | 12 de decembro de 1785 Avon, Francia |
| Lugar de sepultura | Saint Peter Church of Avon (en)   |
| País de nacionalidade | francesa |
| Actividade | |
| Ocupación | entomólogo, ornitólogo, naturalista |
| Membro de | |
Edme-Louis Daubenton, nado o 12 de agosto de 1730 en Montbard, ducado de Borgoña, e finado o 12 de decembro de 1785 en Avon, vila do hoxe departamento de Seine-et-Marne (Francia), foi un entomólogo, ornitólogo e naturalista francés, primo de tamén naturalista Louis Jean Marie Daubenton.
Traxectoria
[editar | editar a fonte]Georges-Louis Leclerc, conde de Buffon contratou a Edme-Louis Daubenton para supervisar as ilustracións en cor da súa monumental Histoire Naturelle (1749–1789). As láminas comezaron a aparecer en 1765 e finalmente contaba con 1 008 placas, todas gravadas por François-Nicolas Martinet (1731–1800), e todas pintadas a man. O editor parisiense Panckoucke publicou unha versión sen texto entre 1765 e 1783. Máis de 80 artistas participaron na realización das pinturas orixinais. Delas, 973 refírense a aves; outras ilustran especialmente bolboretas, pero tamén outros insectos, corais, etc. As ilustracións non tiveron moito éxito, pero permiten facer unha boa determinación das especies ilustradas, algunhas delas hoxe extintas.
Como Buffon non seguiu o sistema de nomenclatura biolóxica desenvolvido por Carl von Linné en 1783, Pieter Boddaert (1730–1796) publicou unha táboa da correspondencia dos nomes utilizados cos nomes binomiais linneanos.
Edme-Louis Daubenton faleceu en Avon, Seine-et-Marne, e está sepultado na igrexa de Saint-Pierre desa localidade.
Publicación
[editar | editar a fonte]- Daubenton, Edme-Louis (1765–1783). Planches enluminées d'histoire naturelle. Volumes 1-10. Martinet, François-Nicolas (gravador). Paris. doi:10.5962/bhl.title.51460.
Véxase tamén
[editar | editar a fonte]Bibliografía
[editar | editar a fonte]- Benezit, E. (1999): Dictionnaire Critique et Documentaire des Peintres, Sculpteurs, Dessinateurs et Graveurs de Tous les Temps et de Tous les Pays. Nouvelle Edition. París: Gründ.
- Bureau, Louis (1907). "Sur un atlas des planches coloriées de l'ornithologie de Brisson attribué au peintre Martinet, provenant de la vente Alph. Milne-Edwards". Ornis (en French) 14 (Proceedings of the Fourth International Ornithological Congress, London, June 1905): 176–180.
- Cowan, C.F. (1968). "The Daubentons and Buffon's Birds". Archives of Natural History 5 (1): 37–40. doi:10.3366/jsbnh.1968.5.1.37.
