Eduardo Parga Veiga

Eduardo Parga Veiga
Biografía
Nacemento	1965 (59/60 anos); valor descoñecido
Alcalde de Malpica de Bergantiños
	2021 – ; ← Walter Pardo Añón
Alcalde de Malpica de Bergantiños
	2011 – 2019 ; ← José Ramón Varela Rey – Walter Pardo Añón →
Actividade
Lugar de traballo	Malpica de Bergantiños
Ocupación	político

Eduardo Parga Veiga,^[1]^[2] nado en 1965, é un político galego do PPdeG

Traxectoria

Nas eleccións municipais de 2003 foi elixido concelleiro en Malpica de Bergantiños pola Agrupación Veciñal de Electores de Malpica (AVE), a cal encabezaba o expopular José Manuel Vila e foi a segunda forza máis votada tralos socialistas de José Ramón Varela Rey. Finalmente estableceuse un pacto de goberno cos socialistas e pasou a ocuparse da concellería de cultura e deportes. Volveu a ser elixido concelleiro por AVE en 2007, situándose nesta ocasión na oposición. A comezos de 2009 regresou cos seus compañeiros ao PPdeG, sendo nomeado José Manuel Vila novo líder da formación conservadora. Porén, tralo falecemento de Vila en febreiro de 2011 asumiu o liderado do PPdeG na localidade.

Desta forma foi o candidato á alcaldía polo PPdeG nas eleccións municipais de 2011, conseguiu a vitoria e foi elixido alcalde grazas ao apoio de Alfredo Cañizo, concelleiro de AIM,^[3] co cal pasou a gobernar en coalición. Revalidou a alcaldía con maioría absoluta nas municipais de 2015. Nas eleccións municipais de 2019 perdeu a maioría e a alcaldía, que foi para Walter Pardo Añón do PSdeG-PSOE^[4] ó contar co apoio do BNG e de Cañizo (entón candidato de Ciudadanos). Porén, trala ruptura do pacto de goberno con Cañizo, en setembro de 2021 presentou unha moción de censura que contou co apoio deste último e o devolveu á alcaldía. Nas municipais de 2023 mantivo os resultados da anterior ocasións, ó igual que os demais grupos, polo que mantivo a alcaldía^[5] co apoio de Alfredo Cañizo, nesta ocasión de volta coas siglas de AIM.

Notas

↑ Nome de Eduardo na páxina do concello Malpica de Bergantiños
↑ Nome de Eduardo na páxina Ayuntamiento.es
↑ Longueira, Toni (2011-06-12). "Malpica abre una nueva etapa con Eduardo Parga de regidor". La Voz de Galicia (en castelán). Consultado o 2023-12-19.
↑ Concello de Malpica de Bergantiños na FEGAMP
↑ Longueira, Toni (10 de xullo de 2023). "El alcalde de Malpica, Eduardo Parga, cobrará 43.500 euros brutos al año, y las edilas Marisol Blanco y Noelia Freijeiro, 20.000 cada una". lavozdegalicia.es (en castelán). Consultado o 19 de decembro de 2023.

Véxase tamén

Outros artigos

Eleccións municipais en Malpica de Bergantiños

Ligazóns externas

Entrevista en La Opinión

Predecesor: José Ramón Varela Rey	Alcalde de Malpica de Bergantiños 2011 - 2019	Sucesor: Walter Pardo Añón
Predecesor: Walter Pardo Añón	Alcalde de Malpica de Bergantiños 2021 - actualidade	Sucesor: no cargo

[1] Nome de Eduardo na páxina do concello Malpica de Bergantiños

[2] Nome de Eduardo na páxina Ayuntamiento.es

[3] Longueira, Toni (2011-06-12). "Malpica abre una nueva etapa con Eduardo Parga de regidor". La Voz de Galicia (en castelán). Consultado o 2023-12-19.

[4] Concello de Malpica de Bergantiños na FEGAMP

[5] Longueira, Toni (10 de xullo de 2023). "El alcalde de Malpica, Eduardo Parga, cobrará 43.500 euros brutos al año, y las edilas Marisol Blanco y Noelia Freijeiro, 20.000 cada una". lavozdegalicia.es (en castelán). Consultado o 19 de decembro de 2023.

[1]

[2]

[3]

[4]

[5]