Efialtes de Tesalia

Efialtes de Tesalia

Nome orixinal	(grc) Ἐφιάλτης
Biografía
Nacemento	século VI a. C. Trachis, Malida (en)
Morte	480 a. C. Tesalia, Grecia
Actividade
Ocupación	labrego
Familia
Pai	Euridemo de Malis
Descrito pola fonte	Pequeno Dicionario Enciclopédico de Brockhaus e Efron Dicionario Enciclopédico Brockhaus e Efron Dicionario Enciclopédico Granat

Efialtes (en grego Εφιάλτης, lit. "pesadelo") era o fillo de Euridemo de Mélide e orixinario de Traquis, en Tesalia.

Traxectoria

Traizoou ao rei espartano Leónidas en -480, axudando ao rei persa Xerxes I a atopar outra ruta alternativa ao paso das Termópilas. Isto permitiu aos persas derrotar ao pequeno grupo de defensores espartanos, do cal só sobreviviron dous.

Os motivos que o impulsaron á traizón dos espartanos descoñécense. Efialtes esperaba ser recompensado polos persas, pero terminou por non obter nada cando estes foron derrotados na Batalla de Salamina. Efialtes fuxiu entón a Tesalia, cunha recompensa pendendo sobre a súa cabeza. Segundo Heródoto foi morto, aparentemente por outro motivo, por Atenades de Traquinia, sobre o -479.

No cine e a literatura

Na película The 300 Spartans (tamén coñecida como O león de Esparta, Os 300 heroes e Os 300 espartanos), de 1962, Efialtes aparece como o solitario dono dunha granxa de cabras preto das Termópilas. Traizoa ao seu rei Leónidas por un feudo.

Tanto na película 300 como no cómic do mesmo nome, Efialtes é representado como un chepudo deforme que tivo que deixar Esparta para non morrer no seu nacemento. Leónidas rexeita incorporalo no seu exército debido a que, ao non poder soster o escudo correctamente, a súa presenza podería pór en perigo a falanxe. Profundamente doído, Efialtes termina traizoando a Leónidas cando Xerxes lle ofrece o respecto e a aceptación que xamais recibiu por parte dos espartanos.

Véxase tamén

Outros artigos

• Batalla das Termópilas.