El ministerio del tiempo
 | Este artigo (ou sección) está desactualizado(a). A información fornecida mudou ou é insuficiente. |
| El ministerio del tiempo | |
|---|---|
 A sede do El ministerio del tiempo na praza Duque de Alba de Madrid. | |
| Xénero | ciencia ficción |
| Creado por | Pablo Olivares Javier Olivares |
| Escrito por | José Ramón Fernández Paco López Barrio Javier Olivares Pablo Olivares Anaïs Schaaff |
| Dirixido por | Marc Vigil Jorge Dorado Abigail Schaaff |
| País de orixe | España |
| Lingua(s) | castelán |
| Temporadas | 1 |
| Episodios | 8 |
| Produción | |
| Produtor(es) executivo(s) | Javier Olivares Alicia Yubero María Roy |
| Duración | 70 min aprox. |
| Emisión orixinal | |
| Canle de orixe | La 1 |
| Formato de imaxe | 16:9 HD |
| Primeiro episodio | 24 de febreiro de 2015 |
| Na rede | |
| http://www.rtve.es/television/ministerio-del-tiempo/ | |
        | |
| [ editar datos en Wikidata ] | |
El ministerio del tiempo é unha serie de televisión española de ciencia ficción creada por Pablo Olivares e Javier Olivares e producida por Onza Partners e Cliffhanger para TVE. Estreouse o 24 de febreiro de 2015 en La 1. Está protagonizada por Aura Garrido, Rodolfo Sancho, Cayetana Guillén Cuervo e Nacho Fresneda. A premisa da serie é que un soldado do século XVI, unha muller universitaria do século XIX e un enfermeiro de 2015 son contratados por un ministerio secreto español que posúe unhas portas subterráneas que ao atravesalas permiten viaxar polo tempo.
O 24 de marzo de 2015 TVE confirmou no FesTVal de Murcia que a serie contaría cunha segunda tempada.[1]
Sinopse
[editar | editar a fonte]"El Ministerio del Tiempo" é unha institución gobernamental autónoma e secreta que depende directamente de Presidencia do Goberno de España. Ao igual que nos Estados Unidos gárdanse os segredos e a chave para un posible ataque nuclear de presidente a presidente, o mesmo pasa con este ministerio: só reis, presidentes e un número exclusivo de persoas saben del.
O paso cara a outras épocas realízase a través de portas vixiadas polas patrullas do ministerio. O seu obxectivo: detectar e impedir que calquera intruso do pasado chegue ao noso presente (ou viceversa) co fin de utilizar a Historia para o seu beneficio. Para iso as patrullas terán que viaxar ao pasado e evitar que o logren.
Elenco
[editar | editar a fonte]| Actor | Personaje | Temporada | |
|---|---|---|---|
| 1 | 2 | ||
| Rodolfo Sancho | Julián Martínez | Principal | Recorrente |
| Aura Garrido | Amelia Folch | Principal | |
| Nacho Fresneda | Alonso de Entrerríos | Principal | |
| Cayetana Guillén Cuervo | Irene Larra Girón | Principal | |
| Juan Gea | Ernesto Jiménez / Tomás de Torquemada | Principal | |
| Jaime Blanch | Salvador Martí | Principal | |
| Francesca Piñón | Angustias Vázquez | Principal | |
| Natalia Millán | Lola Mendieta | Recorrente | |
| Mar Ulldemolins | Maite | Recorrente | |
| Julián Villagrán | Diego Velázquez | Recorrente | |
| Mar Saura | Susana Torres | Episódico | Recorrente |
| Hugo Silva | Jesús Méndez "Pacino" | Principal | |
Principais
[editar | editar a fonte]- Aura Garrido é Amelia Folch, estudante de finais do século XIX. De familia burguesa acomodada, é unha das primeiras mulleres en ir á Universidade de Barcelona. Intelixente, con memoria fotográfica e traballadora, é o cerebro do comando.
- Rodolfo Sancho é Julián Martínez, enfermeiro do SAMUR de principios do século XXI. O valor e o seu escaso apego á súa propia vida por salvar as dos demais son as súas maiores cualidades.
- Nacho Fresneda é Alonso de Entrerríos, soldado dos Terzos de Flandres do século XVI. Ten uns valores moi antigos pero é un home de honra. É o soldado perfecto, experto tirador e estratego e que se pon ao mando da situación cando se require forza.
- Jaime Blanch é Salvador Martí, o subsecretario de Misións Especiais que despacha co ministro; diplomático de carreira, é contemporáneo e serve como enlace entre o Goberno e o CNI.
- Cayetana Guillén Cuervo é Irene Larra, nada nos anos 30 do século XX e experta en Recursos Humanos do Ministerio.
- Juan Gea é Ernesto Jiménez, de quen se descoñece a época na que naceu ata o capítulo 4 no que se sabe que é o pai de Tomás de Torquemada, é dicir, de finais da época medieval. Funcionario serio, solitario e perfeccionista, sempre preocupado pola vida dos seus recrutados en cada misión.
- Francesca Piñón é Angustias, a secretaria de Salvador. Atenta sempre a todo, a súa seña de identidade é o humor. Os recortes que sufriu no seu soldo pola actual crise económica fanlle botar de menos a súa verdadeira época.
Recorrentes
[editar | editar a fonte]- Natalia Millán é Lola Mendieta, unha exaxente do Ministerio á que crían morta en acto de servizo. Facilitou información sobre portas do tempo clandestinas a unha serie de persoas.
- Julián Villagrán é Diego Velázquez, o pintor de obras como Las meninas que foi recrutado polo Ministerio como debuxante de retratos robot.
- Mar Ulldemolins é Maite, a defunta muller de Julián á que el intenta visitar a través das portas do tempo.
- Jimmy Shaw é Paul Walcott, un viaxeiro do tempo americano. Non se coñecen moitos datos sobre el á parte da súa nacionalidade.
Notas
[editar | editar a fonte]- ↑ Fórmula TV (ed.). "TVE renueva 'El Ministerio del Tiempo' por una segunda temporada". Consultado o 4 de abril de 2015.
