Elbaíta

Elbaíta
	Elbaíta
Fórmula química	Na(Li,Al)3Al6(BO3)3Si6O18(OH,F)4
Clase	Silicatos
Subclase	Ciclosilicatos
Sistema cristalino	Hexagonal
Cor	Branca, verde, vermella e azul
Brillo	De vítreo a resinoso
Dureza	7-7,5
Fractura	Concoidea ou irregular
Exfoliación	Moi imperfecta
Raia	Branca
Densidade	3-3,25 g/cm3

A elbaíta é un mineral da clase dos silicatos e que forma parte da serie isomorfa da turmalina cuxa fórmula química é Na(Li,Al)₃Al₆(BO₃)₃Si₆O₁₈(OH,F)₄ (contén 32-38% de SiO₂, 20-40% de Al₂O₃ e 20% de H₂O). É resistente á acción dos ácidos.

Aspecto

A elbaíta cristaliza en forma de cristais prismáticos tabulares ou aciculares. Tamén aparece de forma radiada e masiva.

Variedades da elbaíta

Segundo a súa cor pódese diferenciar dentro deste mineral diferentes variedades:

Acroíta, de cor branca.
Indigolita, de cor azul.
Rubelita, de cor rosa ou vermella.
Verdelita, de cor verde.

Lugares onde se atopa

Pódese atopar en granitos e gneises e, especialmente, nos filóns do tipo pegmatítico. Trátase dun mineral hidrotermal de altas temperaturas, procedente de fluídos profundos que escaparon ó final do proceso de cristalización.

Podemos atopar rubelita en Valdemierque (Salamanca) e indigolita en Laxe (A Coruña).

Usos da elbaíta

Polas súas propiedades piezoeléctricas a elbaíta utilízase para a fabricación de calibradores de presión.

É moi apreciada no coleccionismo e no mundo da xoiería.

Outros silicatos

Outros silicatos importantes son:

A olivina, o feldespato, o cuarzo e as micas.

Véxase tamén

Outros artigos