Emilio Durán Ojea
| Biografía | |
|---|---|
| Nacemento | 1899  Ribas de Sil, España |
| Morte | século XX valor descoñecido |
| Actividade | |
| Ocupación | carpinteiro, político |
| Partido político | Partido Socialista Obrero Español |
 | |
Emilio Durán Ojea, nado en Ribas de Sil cara a 1899, foi un carpinteiro e político socialista galego.
Traxectoria
[editar | editar a fonte]Vogal e vicepresidente da Agrupación Socialista Agraria de San Clodio, que a partir de marzo de 1933 pasou a denominarse Agrupación Socialista Obrera de Oficios Varios Fraternidad y Trabajo, da que foi presidente. Coa folga xeral revolucionaria de 1934 foi detido o 6 de outubro, permanecendo do cárcere de Monforte de Lemos ata o 10 de decembro.[1] Foi delegado da Casa del Pueblo de San Clodio con Marcelino Fernández Prada no Congreso da Federación Provincial de Colectividades Socialistas en abril de 1936,[2] e participou e en mitins socialistas como o de Vilar de Lor en maio de 1936.[3]
Co golpe de Estado do 18 de xullo de 1936 fuxiu e estivo agochado na casa da súa sogra en San Román ata que se presentou ás autoridades franquista en febreiro de 1940. Ingresou na prisión de Lugo o 13 de abril de 1940 para dilixencias previas, que foron arquivadas e saíu en liberdade o 10 de agosto.[4] Foi expedientado por responsabilidades políticas.[5]
Vida persoal
[editar | editar a fonte]Casou con Ángela Casar González e foi pai de cinco fillos.
Notas
[editar | editar a fonte]- ↑ Expediente procesual de Emilio Durán Ojea
- ↑ La Voz de Galicia, 24-4-1936, p. 9.
- ↑ El Pueblo Gallego, 23-5-1936, p. 14.
- ↑ Expediente procesual de Emilio Durán Ojea
- ↑ BOP Lugo, 7-2-1942, p. 4.
Véxase tamén
[editar | editar a fonte]Bibliografía
[editar | editar a fonte]- Redondo Abal, Francisco Xavier (2007). Memoria(s) de Marcelino Fernández Prada. Un alcalde socialista e revolucionario. Vigo: A Nosa Terra. ISBN 978-84-8341-177-3.
- Souto Blanco, María Jesús (1998). La represión franquista en la provincia de Lugo (1938-1940). Sada: Do Castro. pp. 52–54. ISBN 84-7492-891-5.
