Enrique Romero Bravo
| Triana | |||
|---|---|---|---|
| Información persoal | |||
| Nome | Enrique Romero Bravo | ||
| Nacemento | 9 de xuño de 1908 | ||
| Lugar de nacemento | A Coruña | ||
| Falecemento | 21 de xaneiro de 1984 | ||
| Posición | Centrocampista | ||
| Carreira sénior | |||
| Anos | Equipos | Aprs | (Gls) |
| 1927–1929 | Marino FC | ||
| 1929–1930 | Emden FC | ||
| 1930–1939 | Deportivo da Coruña | 95 | (25) |
| 1939–1941 | Real Madrid | 5 | (0) |
| 1941 | → Alavés | ||
|
Partidos e goles só en liga doméstica. [ editar datos en Wikidata ] | |||
Enrique Romero Bravo, alcumado Triana, nado na Coruña o 9 de xuño de 1908 e finado na mesma cidade o 21 de xaneiro de 1984, foi un futbolista galego. Xogaba de centrocampista e militou a maior parte da súa carreira no Deportivo da Coruña.
Traxectoria
[editar | editar a fonte]Militou no Marino FC e logo no Emden FC, sendo traspasado desde este último ao Deportivo da Coruña en xaneiro de 1930.[1] Debutou nun partido da Segunda División fronte ao Real Betis. Os seus compañeiros ese día foron: Isidro, Otero, Alejandro; Esparza, Fuentes, Fariña; Torres, Chacho, Hilario e Pérez.[2] Xogou no Deportivo durante sete tempadas, todas elas na Segunda División, competición na que disputou 95 partidos, marcando 25 goles. Ademais gañou os Campionatos de Galicia de 1930/31, 1932/33 e 1936/37.
Trala guerra civil fichou polo Real Madrid, co que xogou só cinco partidos da Primeira División, sendo cedido en 1941 ao Deportivo Alavés.[3]
Palmarés
[editar | editar a fonte]Deportivo da Coruña
- Campionato de Galicia (3): 1930/31, 1932/33, 1936/37.
Notas
[editar | editar a fonte]- ↑ "Triana al Deportivo". La Voz de la Verdad (en castelán) (6775). 4 de xaneiro de 1930. p. 4. Consultado o 16 de setembro de 2021.
- ↑ "El Betis derrotado en La Coruña y en Vigo". El Ideal Gallego (en castelán) (3652). 7 de xaneiro de 1930. p. 1. Consultado o 16 de setembro de 2021.
- ↑ "Hace 25 años". La Voz de Galicia (en castelán). 17 de abril de 1966. p. 7.