Eric II de Noruega

Eric II de Noruega
	;
Nome orixinal	(non) Eiríkr II prestahatari Magnússon
Biografía
Nacemento	4 de outubro de 1268 ; Noruega
Morte	15 de xullo de 1299 (30 anos); Bergen, Noruega
Causa da morte	inanición
Lugar de sepultura	Catedral de Bergen (pt)
Monarca de Noruega
	1280 – 1299 ; ← Magno VI da Noruega (pt) – Haakon V (pt) →
Datos persoais
Relixión	Cristianismo
Actividade
Ocupación	monarca
Familia
Familia	Casa de Sverre (pt)
Cónxuxe	Margarida, Princesa da Escócia (1281 (Gregoriano)–); Isabel Bruce
Fillos	Margarida I de Escocia; () Margarida, Princesa da Escócia; Ingeborg Eriksdottir of Norway; () Isabel Bruce
Pais	Magno VI da Noruega e Ingeborg Eriksdatter
Irmáns	Haakon V

Erik Magnusson, alcumado o inimigo dos curas (en noruegués, Eirik prestehater). Nado no 1268 e finado en Bergen o 15 de xullo de 1299. Foi rei de Noruega de 1280 a 1299 baixo o nome de Eric II de Noruega.

Traxectoria

Erik foi o fillo máis vello de Magnus VI e Ingeborg de Dinamarca. Foi través da súa ascendencia materna, era descendente do rei Olaf o Santo e, polo tanto, co seu ascenso ao trono a descendencia de Olaf volveu a reinar en Noruega.

Reinado

Foi coroado en Bergen o 2 de xullo de 1280, contando con só 12 anos de idade. Por mor da súa curta idade, o goberno recalou nas mans dos seus conselleiros, entre os que atopábase a súa nai, a raíña viúva, Ingeborg.

É recordado como un rei débil, cuxas decisións sempre estiveron influídas polos seus conselleiros, aínda cando acadou a maioría de idade (15 anos). Recibiu o sobrenome de o inimigo dos curas pola tensa relación que mantivo coa igrexa norueguesa. Porén, a situación en realidade reflectía a rivalidade do clero coa aristocracia, que se fixera co control do goberno.

Probablemente pola cuestión dos reclamos da herdanza da súa nai en Dinamarca, Erik II apoiou a bandidos que, como Stig Andersen Hvide, asolaron as costas dinamarquesas despois da morte de Erik V.

Finou en 1299 e foi sepultado na antiga catedral de Bergen. Ao non deixar descendentes varóns, foi sucedido polo seu irmán máis novo, Haakon.

Matrimonio e fillas

En 1281, casou coa princesa Margarida de Escocia, filla do rei Alexandre III. O compromiso pactárase anos atrás, nun intento do seu pai, Magnus VI, de mellorar as relacións con Escocia. Margarida finou poucos anos despois, en 1283, dando a luz a súa filla.

Margarida (1283-1290), raíña de Escocia.

O 25 de setembro de 1293 casou con outra princesa escocesa, Isabel Bruce, irmá de Roberto I de Escocia. Deste matrimonio tivo outra filla:

Ingeborg (1297-1353), princesa de Suecia e duquesa de Finlandia, esposa do duque Valdemar de Finlandia.

Predecesor: Magnus VI	Rei de Noruega 1280 - 1299	Sucesor: Haakon V