Ernesto Atanasio Janeiro
| Biografía | |
|---|---|
| Nacemento | 1915  O Carballiño, España |
| Morte | 14 de abril de 1998 (82/83 anos) O Carballiño, España |
| Actividade | |
| Ocupación | sindicalista, político |
Ernesto Atanasio Janeiro, coñecido como O Corcheiro, nado no Carballiño cara a 1915 e finado no mesmo concello o 14 de abril de 1998,[1] foi un sindicalista e político galego.
Traxectoria
[editar | editar a fonte]Operario das obras do ferrocarril e militante da CNT. O 23 de xuño de 1931, en protesta pola paralización das obras do ferrocarril, foi un dos destacados participantes na manifestación dos obreiros e veciños do Carballiño que tomou o concello, promulgou o Estado galego e plantou lume á bandeira española.[2] Marchou a Arxentina arribando a Buenos Aires o 8 de outubro de 1931 a bordo do Alcántara,[3] e foi membro da Sociedade Nazonalista Pondal.[4] Logo do golpe de Estado do 18 de xullo de 1936 retornou a España para combater en Cataluña no exército leal.[5] Nos anos corenta volveu ao Carballiño. Nos anos cincoenta integrouse na Asociación Cultural Avantar, da que chegou a ser presidente. Foi amigo de Manuel María, argallou a publicación do seu libro Cantigueiro do Orcellón. Dende as primeiras eleccións democráticas foi nas listas do BNG no Carballiño.[6]
Notas
[editar | editar a fonte]- ↑ La Voz de Galicia, O Carballiño - O Ribeiro, 17-4-1998, p. 4.
- ↑ A república galega de 1931
- ↑ Passenger list of the ship ALCANTARA arriving to Buenos Aires on Oct 08, 1931
- ↑ A Fouce, maio de 1935, p. 3.
- ↑ Base de dades nominal Milícies Antifeixistes de Catalunya
- ↑ Eleccións locais en Carballiño. Ano 1979.