Escola Politécnica Superior de Ferrol
| Escola Politécnica Superior de Ferrol | |
|---|---|
 Edificio da Escola Politécnica Superior | |
| Universidade: | Universidade da Coruña |
| Localización: | Ferrol |
| Campus: | Esteiro |
| Enderezo: | Rúa Mendizábal s/n. 15403 |
| Ano de fundación: | 1993 |
| Decano: | Alberto Ramil Rego (director; 2008) |
| Docentes: | |
| Estudantes: | 657 (2006-07) |
| Teléfono: | 981 337 410 |
| Correo electrónico: | secretaria.eps@udc.es |
| Páxina web: | https://eps.udc.es/ |
A Escola Politécnica Superior de Ferrol é un centro universitario da cidade de Ferrol, dependente da Universidade da Coruña. Está situada no Campus de Esteiro.
Historia
[editar | editar a fonte]Ten a súa orixe como escola politécnica a partir da Lei 11/1989, de 20 de xullo, de Ordenación do Sistema Universitario de Galicia, crea a Universidade da Coruña, que constitúe xunto coa de Santiago de Compostela e coa de Vigo o sistema universitario de Galicia. Os Estatutos da Universidade da Coruña apróbanse por Decreto 253/1992, indicándose no art. 13 a súa estruturación territorial nos Campus da Coruña e de Ferrol.
A cesión polo Ministerio de Defensa das instalacións do antigo Hospital da Mariña é o inicio da creación do Campus de Ferrol-Esteiro, que desde o curso 1991/92 alberga a Escola Politécnica Superior, creada en virtude do Decreto 274/1991 de 30 de xullo da Consellería de Educación e Ordenación Universitaria da Xunta de Galicia.
Esta escola comeza a súa actividade no curso académico 1991/92 impartindo a titulación de Enxeñaría Naval e Oceánica, ao inicio en aulas provisionais e, posteriormente (28/01/1992), nas novas instalacións citadas, onde xa no curso 1992/93 iníciase a impartición das ensinanzas correspondentes á titulación de Enxeñaría industrial. Ambas as dúas titulacións comezan con planos de estudo provisionais, estando actualmente regulados estes estudos segundo:
- Enxeñaría industrial: Plano de Estudos publicado por Resolución de 23 de xullo de 1993 (BOE 19/08/1993), cunha carga lectiva global de 444 créditos, distribuídos en dous ciclos de 2+3.
- Enxeñaría Naval e Oceánica: Plano de Estudos publicado igualmente por Resolución de 23 de xullo de 1993 (BOE 19/08/1993) cunha carga lectiva global de 433 créditos, distribuídos en dous ciclos de 2+3.
|
Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.
|