Esquemas comunicativos

A comunicación é o resultado da emisión dunha mensaxe codificada a un receptor que a interpreta. Os elementos participantes da comunicación comunmente aceptados son o emisor, receptor, mensaxe, código, canle, ruído, realidade referencial ou contexto. Así a todo, non é esta a única perspectiva para definirmos o acto de nos comunicarmos:

Esquema de Johnson

Esquema comunicativo de Johnson

1. Acontece un evento.
2. O evento estimula un individuo "A".
3. Prodúcense sensacións preverbais. Os impulsos nerviosos diríxense ó cerebro de "A".
4. "A" traduce as sensacións en palabras.
5. "A" selecciona palabras e ordénaas segundo as normas.
6. Por medio dunha canle "A" entra en relación con "B".
7. B recibe estímulos físicos provocados pola emisión de "A".
8. No cerebro de B xéranse sensacións preverbais.
9. B traduce as sensacións en palabras.
10. Decodifícase e interprétase a mensaxe.

Esquema de Laswell

Esquema comunicativo de Laswell

1. ‘Quen’: O estudo deste elemento implica unha análise de control
2. ‘Di o que’: Implica unha análise de contido.
3. ‘En que canle’: Medios interpersoais ou de masa. Análise dos medios.
4. ‘A quen’: Análise de audiencia.
5. ‘Con que efectos’: Análise do impacto sobre a audiencia.

Esquema de Dobb

Esquema comunicativo de Dobb

1. Emisor ou comunicador.
2. Obxectivo de comunicación.
3. Medios básicos de comunicación (por ex. palabras e xestos usados polo emisor)
4. Medios de extensión (gravación en cita, medio impreso,...): Canle
5. Coordenadas espazo-temporais: Contexto
6. Restricións. Condicións en que se inhibe ou censura a transmisión da comunicación (tabús, costumes, preconceptos, prohibicións, eufemismos, disfemismos,...)
7. Comunicación: A mensaxe.
8. Estado de espírito: Sentimentos e disposición para a resposta por parte da audiencia.
9. Percepción por parte da audiencia da mensaxe.
10. Reaccións da audiencia.
11. Cambios: Efectos da comunicación inmediatos ou a longo prazo.
12. Indicios informativos da reacción da audiencia ó comunicador

Esquema de Shannon e Weaver

Esquema comunicativo de Shannon e Weaver

• Unha fonte de información selecciona unha mensaxe.
• O emisor converte a mensaxe en sinal, de acordo cun código determinado.
• Eses sinais son transmitidos ó destinatario mediante unha canle adecuada.
• O receptor, descodifica os sinais recibidos para recuperar a mensaxe orixinal
• Ruído: Todo o que interfire na transmisión e dificulta na recepción da mensaxe.